فيچرونه
راپورونه
کابل ښاریان: په تور بازار کې د پاکستان د ویزو بیه تر۷۵۰ ډالرو رسېدلې ده
ځینې سرچینې وایي، په کابل کې کمېشنکاران د پاکستان سفارت د ځینو کسانو په مرسته د دغه هېواد ویزې تر۷۵۰ ډالرو ترلاسه کوي، خو د پاکستان سفارت دا څرګندونې ردوي.
«له تورخمه هره ورځ سلو ناروغانو ته له اسنادو پرته پاکستان ته د تلو اجازه ورکول کېږي»
د ننګرهار د عامې روغتيا رياست چارواکي وايي، پاکستان له تېرې يوې مياشتې راهيسې هره ورځ لږ تر لږه سلو ناروغانو ته له اسنادو پرته د تورخم له لارې دغه هېواد ته د درملنې لپاره د تګ اجازه ورکوي.
افغانستان په دوو میاشتو کې څه باندې ۱۰زره ټنه اوسپنه پاکستان ته صادر کړې ده
د افغانستان د اوسپنې وېلې کولو فابریکو رییس وايي، د فولادو په سکټور کې پر ځان بسیا شوي او په دې برخه کې له ۵۰۰ میلیون ډالرو ډېره پانګونه شوې ده.
د نجونو له شپږم پورته ټولګیو نه پیل؛ ناهیلې بهشته یې ژر پیلېدو ته شېبې شمېرې
له شاوخوا اووه میاشتني ځنډ وروسته بېرته ښوونځي ته ځي؛ خو ورته ویل کېږي چې تر امر ثاني په کور کې اووسئ. بهشته سره له دې چې د حکومت لخوا د ژمنو نه عملي کولو له امله شکایت کوي او ناهیلې ده، لا هم د ښوونځي د پيل اعلان ته په بې صبرۍ انتظار کوي.
د دولتي پوهنتونونو ځیني استادان: اوسنۍ تنخواګانې مو اړتیاوې نه شي پوره کولای
د دولتي پوهنتونونو ځیني استادان وایي، څو میاشتې مخکې یې تنخواګانې او امتیازونه نږدې ۳۸ سلنه کم شوي؛ خو د توکیو د بیو لوړوالي او د دوی کاري مکلفیتونو زیاتوالي ته په پام باید بېرته لوړې شي.
په شبرغان ښار کې یوازېنی تفریحي باغ د له منځه تلو له ګواښ سره مخ دی
د شبرغان ځیني اوسېدونکي له مسوولینو غواړي چې د ښار د یوازېني تفریحي ځای «ځنګل باغ» بیارغونې ته پاملرنه وکړي؛ ځکه په دغه پارک کې ځینې اسانتیاوې نشته او ونې یې د وچېدو په حال کې دي.
د پاکستان برید ته غبرګونونه: افغانان باید خپلو دښمنانو ته په واحد دریځ سره درنه څپېړه ورکړي
افغانان، پر افغانستان د پاکستان بریدونو ته سخت غبرګونونه ښيي؛ پر افغانستان د برید شپه د پاکستان د ذلت د پیل لومړۍ شپه بولي او وایي افغانان باید خپلو دښمنانو ته په واحد دریځ سره درنه څپېړه ورکړي.
په اروزګان کې یوه هټۍوال ۶۵۰ مېرمنو ته د کار زمینه برابره کړې ده
د اروزګان په مرکز ترینکوټ ښار کې یوه ځايي هټۍوال ۶۵۰ مېرمنو ته- چې ډېرې یې کونډې دي- د کار زمینه برابره کړې او هرې یوې ته د میاشتې له ۴ تر ۱۰ زره افغانۍ ورکوي.
د زابل اوسېدونکي د لېونيو سپیو له ډېرېدو شکایت کوي
د زابل اوسېدونکي وايي، په دې وروستیو کې د دغه ولایت په مرکز او ولسوالیو کې لېوني سپي ډېر شوي چې ګڼ ماشومان او لویان یې داړلي دي.
د هرات تاریخي ابدې د له منځه تلو له ګواښ سره مخ دي
د هرات د تاریخي ابدو د ساتنې مسوولین وایي، د یاد ولایت ځیني تاریخي ابدې د ډېرې لرغونتیا او پراختیا لرلو له امله د له منځه تلو له ګواښ سره مخ دي.
«افغانستان په ۴۸ سکټورونو کې پر ځان بسیا شوی»
د صنایعو او کانونو خونه د هغه جدول پر اساس چې پژواک ته یې سپارلی مني چې افغانستان په ۴۸ سکټورونو کې بشپړې پر ځان بسیاینې او په ۱۹ نورو سکټورونو کې نیمه ځان بسیاینې ته رسېدلی دی؛ خو په ورته وخت کې خبرداری ورکوي چې که د یادو سکټورونو ستونزو ته پام ونشي نو له سقوط سره به مخ شي.
پوهنې وزارت ۲۹۰ بالمقطع کارکوونکي له دندو ګوښه کړي
د پوهنې وزارت، ۲۹۰ بالمقطع کارکوونکي له دندو ګوښه کړي، او منفک شوي کسان په داسې حال کې دغه اقدام ناعادلانه بولي چې یاد وزارت وایي، هڅه کوي دغه کسان په نورو ځایونو کې پر…
د دایکنډي اوسېدونکي په دغه ولایت کې د نیمګړو پروژو وسایلو ورکېدو اندېښمن کړي
په افغانستان کې د نوي حکومت له راتلو وروسته د ډېرو پرمختيايي پروژو کارونه ځنډېدلي چې له دې ډلې په دايکنډي ولايت کې تر ٦٠ د ډېرو دغسې پروژو کارونه نيمګړي پاتې دي.
“د خصوصي ښوونځیو زده کوونکي ۳۰ سلنه کم شوي”
په کابل کې د خصوصي ښوونځيو اتحادیې مسوولین وايي، په هېواد کې له بدلون وروسته نه یوازې ۲۰۰ ښوونځي د اقتصادي ستونزو له امله تړل شوي، بلکې ښوونځیو ته د نجونو پر تګ له بندیز وروسته ۳۰ سلنه زده کوونکي هم کم شوي دي.
“د خصوصي پوهنتونونو محصلين ٥٠ سلنه کم شوي”
د افغانستان د خصوصي پوهنتونونو اتحادیه وایي چې په دې وروستيو کې خصوصي پوهنتونونو ته د نوو محصلينو جذب ۵٠ سلنه کم شوی دی.
دایکنډي کې پر نشه یي توکو روږدې یوه کورنۍ له اقتصادي ستونزو کړېږي
په دایکنډي ولایت کې یوه پنځه کسیزه کورنۍ چې یو غړی یې روغ او نور ټول پر نشه یي توکو اخته دي؛ له خپل خراب اقتصادي حالت نه شکایت لري.
کابل ښار کې یو شمېر دوکانونه په لوړه بیه د توکو پلور له امله جریمه او تړل شوي
کابل ښاروالۍ ځیني دوکانونه له دې امله جریمه او تړلي چې په نرخ پاڼه کې له ټاکل شوو بیو یې توکي په لوړه بیه پلورل، خو دوکانداران یاده نرخ پاڼه غیر عادلانه بولي او وايي، په اوونۍ کې دوه ځلې باید د بازار د بیو مطابق نوې نرخ پاڼه جوړه شي.
د لغمان په الینګار کې د غنمو سلګونه جریبه کښت د له منځه تلو له ګواښ سره مخ دی
سیمه ییز چارواکي وايي چې د لغمان په الینګار ولسوالۍ کې د اوبو د کمښت له امله د غنمو سلګونه جريبه کښت د خرابېدو له ګواښ سره مخ دی.
بسګله چې په جګړو کې یې خاوند وژل شوی او د اته کسیزې کورنۍ سرپرسته ده
مېرمن بسګله چې د دایکنډي د پاتو ولسوالۍ د سرتګاب اوسېدونکې ده او مېړه یې په تېرو جګړو کې وژل شوی، اوس د اتو یتیمو اولادونو سرپرسته ده او له اقتصادي ستونزو ډک ژوند تېروي.
د کونړ د وټه پور خلک د سړکونو نشتوالي له امله له سختو ستونزو سره مخ دي
د کونړ د وټه پور ولسوالۍ اړوند د ګمبیر او کټار سیمو اوسېدونکي وايي چې دوی د سړک نه شتون له امله د مالونو د انتقال او تګ راتګ لپاره له حيواناتو استفاده کوي.

























