روغتیا

په داسې حال کې یوازې په کابل ښار کې د ورځې څلور ټنه پلاستیکي کڅوړې کارېږي چې د روغتیايي چارو متخصصین له دې ډول کڅوړو ګټه اخیستنه د اندېښنې وړ او خطرناکه بولي.    

د غزني یو شمېر اوسېدونکي له حکومته غواړي څو د دغه ولایت د حوزوي روغتون د ودانۍ جوړولو چارې چې له کلونو راهیسې نیمګړې پاتې دي، بشپړې کړي.

د ننګرهار د عامې روغتيا رياست او په دغه ولايت کې د يوه خصوصي روغتون ترمنځ يوه هوکړه لاسلیک شوه چې له مخې به يې دغه روغتون په بېلابېلو ولسواليو کې د ۲۲۰۰ اړمنو کسانو وړیا عملیاتونه ترسره کړي.

«بای‌ناز» د نیمروز د مرکز زرنج ښار یو لري پروت کلی دی؛ هغه ځای چې د ګوتو په شمېر څو کورنۍ ژوند په کې کوي. د دغه کلي اوسېدونکي لومړنیو، په ځانګړې توګه روغتیايي خدمتونو ته د لاسرسي برخه کې د ستونزو په اړه خبرې کوي.

د لوګر د عامې روغتیا ریاست مسوولین وایي، نن یې د پل‌علم ښار او خروار ولسوالۍ له شخصي روغتیايي مرکزونو، کتنځایونو او درملتونو د څارنې پرمهال خروار ولسوالۍ کې ۱۹ شخصي روغتیايي مرکزونه، کتنځایونه او درملتونونه د ناقانونه فعالیت له امله تړلي دي.

د ننګرهار د عامې روغتیا ریاست وایي چې په تورخم ښارګوټي کې د راستنېدونکو کډوالو د درملنې لپاره د یو ۲۰ بستریز روغتون په ګډون، ۱۲ روغتیايي مرکزونه فعال دي.

د ننګرهار د عامې روغتیا ریاست وایي چې د دغه ولایت په «ختیځ روغتیايي کمپلېکس» کې د ۲۷ میلیون افغانیو په لګښت یو لابراتوار جوړ او ګټې اخیستنې ته وسپارل شو.

د عامې روغتیا وزارت سرپرست وايي، دوو نړۍوالو مرسته‌رسوونکو بنسټونو له افغانستان سره د تاریخ‌تېر او بې‌کیفیته سوپرسیریل او درملو مرسته کړې، هغه له یادو بنسټونو غواړي چې خپلې مرستې له دغه وزارت سره په همغږي او شفاف ډول وکړي.

د عامې روغتیا وزارت سرپرست په کابل کې د ایران له سفیر سره د سرطاني ناروغیو برخې روغتیايي کارکوونکو د ظرفیت لوړونې، د اړینو طبي تجهیزاتو برابرولو، د کابل په افشار ساحه او بامیان ولایت کې د جوړېدونکو روغتونونو څرنګوالي په اړه خبرې کړې دي.

د هلمند د عامې روغتیا مسوولین وایي، د دغه ولایت په سنګین او کجکي ولسوالیو کې د ۳۶ میلیونه افغانیو په لګښت شپږ روغتیايي مرکزونه جوړ او ګټې اخیستنې ته سپارل شوي دي.

د لغمان سیمه‌ییز مسوولین وایي چې د ژغورنې نړۍوالې کمېټې (ای‌ارسي) په مالي ملاتړ د دغه ولایت د عامې روغتیا له ریاست سره د ۸۳ زره امریکايي ډالرو په ارزښت د درملو او طبي وسایلو مرسته وشوه.

کابل ښار کې د نسايي ولادي برخې یوه ډاکټره نجم‌السما شفاجو چې د ښځو لپاره د ځانګړي روغتون په جوړولو سره یې لسګونو نورو ښځو ته د کار زمینه برابره کړې، په روغتیايي برخه کې د نسايي ولادي ډاکټرانو کمښت یوه جدي ستونزه یادوي او وايي چې هر څوک باید د روغتیايي ستونزو د حل برخه کې هڅه وکړي.