د اطلاعاتو او فرهنګ وزارت چارواکو د بيبيسي له یوې مشرې سره لیدنه کې ویلي که دغه رسنۍ غواړي افغانستان کې خپلو فعالیتونو ته دوام ورکړي، نو د هغو خبرونو او شایعاتو له خپرولو دې ډډه وکړي چې د افغانانو ترمنځ د نفاق او تعصب سبب ګرځي.
د خوست يو شمېر اوسېدونکي وايي چې په دغه ولايت کې د غازي ببرک خان ځدراڼ تاريخي کلا د نړېدو له ګواښ سره مخ ده.
د افغانستان د خبریالانو مرکز وایي، د نور او بریا ټلوېزیونونو خپرونو ځنډول د ټولیزو رسنیو له قانون سره په ټکر کې دي، خو د اطلاعاتو او فرهنګ وزارت وایي، دغه پرېکړه یې له اصولو سره سمه او له بیا بیا توصیو وروسته کړې ده.
د پروان د مرکز اړوند ګلغونډۍ کې د ارغوان ګل د دوولسمې ملي مشاعرې ځینو ګډونوالو وویل، حکومت دې دا ډول مشاعرو ته ځانګړې پاملرنه وکړي؛ ځکه د بېلابېلو سیمو د خلکو ترمنځ د یووالي لامل کېږي.
د اطلاعاتو او فرهنګ وزارت د رسنیو د سرغړونو کمېسیون وایي، د ژورنالیستیکي اصولو نه مراعاتولو او ملي او اسلامي ارښتونو ته د نه پام کولو له امله یې د نور او بریا ټلویزیونونو خپرونې ځنډولې دي.
د بدخشان ځایي مسوولین وایي چې د دغه ولایت ټول اثار یوې بېلې ځانګړې ودانۍ ته لېږدول شوي او په ځانګړو ویترینونو کې په ښه توګه ساتل کېږي.
کارپوهان ټینګار کوي چې باید وروسته له روژې هم د روزې فضایل لکه د تقوا رامنځته کول، غوره اخلاق او له اړمنو سره مرستې دوام ولري او عادي خوراک ته راستنېدل بايد په تدريجي او احتیاطي توګه ترسره شي.
نن د کوچني اختر لومړۍ ورځ ده، د کابل ښار ځانګړې بڼه خپله کړې، ځینې کسان چې له خپلو خپلوانو او دوستانو سره خپه وو او اوس غواړي له یو بل سره پخلا شي له نورو هغو کسانو چې له یو بل سره اختلاف لري هم غواړي څو خپلې کینې پریږدي او له یو بل سره پخلا شي.
د افغانستان په بېلابېلو سیمو کې ځینې ښځې وایي، مېړونه یې د مهر حق نه ورکوي او یا یې له دې امله نه شي ترې غوښتلی چې کورنۍ اړیکې یې خرابېږي.
د پژواک خبري اژانس مشرتابه او کارکوونکي د افغانستان او نړۍ ټولو مسلمانانو ته د کوچني اختر مبارکي وايي.
د بلخ د اطلاعاتو او فرهنګ ریاست وایي، د پسرلي موسم په رارسېدو سره د دغه ولایت د نهرشاهي ولسوالۍ شادیانو دښتې ته د سیلانیانو ورتګ ډېر شوی دی.
د حج او اوقافو وزارت وایي، د سترې محکمې د میاشتې لیدلو کمېټې له رسمي اعلان وروسته دې په ټول هېواد کې د کوچني اختر لمونځ د سهار په اووهنیمو (۷:۳۰) بجو ادا شي.
د لوګر د اطلاعاتو او فرهنګ ریاست وايي چې د دغه ولایت په مرکز پلعلم او پنځو ولسوالیو کې تازه شپږ لرغونې سیمې او څلور ابدې کشف شوې دي.
افغانستان کې د ازادي راډیو خبریال او د دنیا او کهکشان راډیوګانو رییس احمد هنایش باندې تېره شپه د پاکستان پلازمېنه اسلاماباد کې ناپېژانده وسلهوالو برید کړی دی.
د بدخشان په مرکز فیضاباد ښار کې د «اطلاعات شهر» په نوم یوه میاشتنۍ جوړه او په رسمي توګه یې فعالیت پیل کړ.
د میدانوردګو حکومتي مسوولین وايي، په دغه ولایت کې د لومړي ځل لپاره ملي موزیم جوړ شوی چې تر اوسه ورته له سل قلمه ډېر تاریخي اثار راټول شوي دي.
د اروزګان په مرکز ترینکوټ کې د قرانکریم د لسګونو حافظانو ترمنځ د حفظ سیالۍ ترسره شوې.
د افغانستان د اطلاعاتو او فرهنګ وزارت وايي چې د لرغون پېژندنې رياست مسلکي پلاوي بلخ او جوزجان ولايتونو ته د سفر په ترڅ کې د قوشتېپې کانال پر مسير د سروې پر مهال ۵۸ لرغونې سيمې تثبیت کړې دي.
د اطلاعاتو او فرهنګ وزارت مرستیال وایي، د ملي ارشیف ساتنې لپاره دې بودیجه ځانګړې شي ترڅو هېواد کې لرغوني اثار په سمه توګه خوندي شي.
په افغانستان کې د یونسکو فرهنګي برخې مسوول د بامیان د اطلاعاتو او فرهنګ له رییس سره په لیدنه کې ویلي چې ډېر ژر به د دغه ولایت د لرغونو ساحو د مرمتکارۍ او رغونې چارې پیل کړي.
ستره محکمه وایي، د کابل ښار لومړۍ محکمې د څلورم زون د جزا ديوان په حکم دوه کسانو ته تعزیري سزا ورکړل شوې ده.
د پکتیا یو شمېر فرهنګیان وايي چې د دغه ولایت موزیم معیاري ودانۍ نه لري او هلته ساتل کېدونکي ارزښتمن لرغوني اثار خوندي نه دي.
د افغانستان د اطلاعاتو او فرهنګ وزارت د نشراتو مرستیال وايي، د رسنيزو سرغړونو په صورت کې يوازې یاد وزارت د مداخلې حق لري او په وینا یې نور ارګانونه باید مستقيمه مداخله ونه کړي.
د حج او اوقافو وزارت سرپرست وایي چې سږ کال به د هېواد په کچه ۳۰ زره کسان د حج فریضې ادا کولو په موخه سعودي عربستان ته سفر وکړي.
