خالد ذهین

د پکتیا امنیه قومانداني وایي، د دغه ولایت په احمدابا ولسوالۍ کې ۵۰۳ کیلوګرامه خام چرس نیول شوي دي.

د عامې روغتیا وزارت وایي چې د پکتیا ولایت په حوزوي روغتون کې د لومړي ځل لپاره په پنځو برخو کې د تخصص پروګرام پیل شو.

د پکتیا سیمه‌ییز مسوولین وایي، د دغه ولایت د مرکز ګردېز اړوند د رباط کډوالو ښارګوټي کې د ۳۷۵ زره امریکایي ډالرو په لګښت یو روغتیايي مرکز جوړ او ګټې اخيستنې ته وسپارل شو.

د پکتیا د احمدخېلو او ډنډپټان ولسوالیو اوسېدونکي وايي چې د ژوند ډېرو لومړنیو اسانتیاوو ته سم لاسرسی نه لري او له حکومته غواړي چې ستونزو ته یې رسېدنه وکړي.

د اوبو او انرژي وزارت سرپرست وایي، امریکا تر اوسه اسلامي امارت سره يو ډالر هم مرسته نه‌ده کړې، او هغه ادعاوې چې ګواکې واشنګټن د پخواني حکومت په څېر اوسني حکومت ته هم پیسې لېږي، یوازې تبلیغات دي.

په لومړي ځل د پکتيا زرمت ولسوالۍ کې د «روسي ښکيلاک د غازي مجاهدينو» تر سرليک لاندې د ۶۰ پاخه ‌عمر لرونکو کسانو ترمنځ د پخوانيو ټوپکو په وسيله د نښې ويشتلو سيالي ترسره شوه.

د پکتیا د سیدکرم ولسوالۍ اوسېدونکی موسی‌خېل او مېرمن یې چې د زوی له مرګ وروسته ورته رواني ناروغي پيدا شوې، وايي، کوچنی زوی یې په مزدورۍ پسې خوست ته لېږلی و چې هلته یوه په هوټل کې د چاودنې له امله یې ژوند له لاسه ورکړ.

د پکتیا د کار او ټولنیزو چارو ریاست مسوولین وايي، د دغه ریاست د حروفوي زده‌کړو له مرکز څخه ۲۲۰ ځوانان پنځو بېلابېلو حرفو کې له شپږ میاشتنیو زده‌کړو وروسته فارغ شول.

د پکتيا امنیه قومانداني وایي، دغه ولایت کې د امنيت د ټینګښت په موخه د موټرسایکل‌سپرو پولیسو ۴۸ کسیزه قطعه جوړه شوې او ګزمې یې پیل کړې دي.

د پکتيا د اطلاعاتو او فرهنگ رياست لخوا نن د لسګونه حافظانو تر منځ د حسن قرائت سيالي ترسره شوه.

د پکتيا د کرنې ریاست مسوولين وايي، سږ کال په دغه ولايت کې شاوخوا ۳۵۰ ټنه شات توليد شوي، خو فارم‌لرونکي بیا د کورني تولیداتو د بازار ښه کېدو لپاره پر وارداتي شاتو د بندیز غوښتنه کوي.

د پکتيا امنیه قومانداني وایي، د دغه ولایت په مرکز ګردیز ښار کې یې ۴۵۲ کیلوګرامه چرس کشف او نیولي دي.