بلخ

بلخ کې د انجې د پلورونکو او صادروونکو اتحادیې مسوولین وایي چې سږ کال له دغه ولایته هند ته ۸۴۰ ټنه انجه صادره شوې چې د تېر کال په پرتله دوه برابره ډېروالی ښیي.

د ملګرو ملتونو پراختیايي اداره وایي، د جاپان په مالي ملاتړ یې په بلخ او اروزګان ولایتونو کې د کلیوالي سیمو خلکو د ملاتړ لپاره یو کلن پروګرام پیل کړی دی.

په بلخ ولایت کې د سون‌ توکو یو شمېر پلورونکي د خرڅلاو بازار له پيکه کېدو شکایت کوي او وایي چې سږ کال خلک د تېرو کلونو په څېر د سون‌ توکي نه پېري.  

د ژمي په رارسېدو سره د بلخ ولایت د کلدار ولسوالۍ د امو سیند څنډو ته د سیلانیانو ورتګ ډېر شوی او هره ورځ ګڼ شمېر کسان دې سیمې ته ورځي.

د بلخ ولایت په شولګرې ولسوالۍ کې د یوه خیریه بنسټ له لوري ۴۰ کډوالو کورنیو ته سرپناوې جوړې شوې، دغه راز د یادې ولسوالۍ له ۶۰۰ سېلاب‌ځپلو کورنیو سره مرستې وشوې.

د بلخ ولایت البرز ولسوالۍ یو شمېر اوسېدونکي شکایت کوي چې مخابراتي او انټرنېټي خدمتونو ته لاسرسی نه لري او له امله یې له ګڼو ستونزو سره مخ دي.

د بلخ د قره‌قُل صادراتو د پراختیا انسټیټوټ مسوولین وایي چې د روان کال په لومړیو اتو میاشتو کې له دغه ولایته بهرنیو هېوادونو ته د قره‌قل نږدې ۹۳ زره پوستکي صادر شوي دي.

د بلخ امنیه قومانداني وایي چې د دغه ولایت په مرکز مزارشریف ښار کې د حرفوي غلو یوه درې کسیزه ډله نیول شوې ده.

د بلخ ولایت البرز ولسوالۍ د بېلابېلو کلیو یو شمېر اوسېدونکي د څښاک پاکو اوبو ته له نه لاسرسي شکایت کوي او د دې ستونزې د هواري غوښتونکي دي.

بلخ کې د پارا المپیک سیالیو مسوولین وایي چې په دغه ولایت کې د ۱۵۰ معلولینو ترمنځ د کرکټ، فوټسال، ویلچر باسکټبال او نورو لوبو سیالۍ ترسره شوې.

د خوست ولایت په مرکز کې د څه باندې ۴۳ میلیون افغانیو په لګښت د یوه سړک، ویالو او یوه کانال د جوړېدو چارې پيل شوې.

د مزارشریف ابو علي‌سینا بلخي حوزوي روغتون مسوولین وایي چې بلخ ولایت کې د روان لمریز کال لومړیو اوو میاشتو کې ۸۴۹ ماشومان پر شدیدې خوارځواکۍ اخته او له ډلې یې ۲۱ ماشومان مړه شوي دي.