اسلامي امارت
راپورونه
اروپایي ټولنې د افغانستان سرپرست حکومت پر درېیو وزیرانو بندیزونه لګولي
اروپایي ټولنه وایي، د افغانستان سرپرست حکومت د درېیو وزیرانو په ګډون یې د یو شمېر هېوادونو پر ۱۸ کسانو او پنځو ادارو «له بشري حقونو د سرغړونو» له امله بندیزونه لګولي دي. د اروپایي…
مولوي عبدالکبیر: اسلامي امارت هېوادوالو ته د خدمت پالیسي لري، نه د ظلم او زور زیاتي
د ریاستالوزراء سیاسي مرستیال وایي، د اسلامي امارت پالیسي دا نه ده چې پر هېوادوالو ظلم او له هغوی سره زیاتی وکړي، بلکې د ملت د خدمت او ستونزو د حل لپاره یې هلې ځلې پیل کړې دي.
حنفي: د ا.ا سفارتونه دې له اړوند هېوادونو سره د اړيکو پياوړتیا لپاره جدي هڅې وکړي
د ریاستالوزرا اداري مرستیال وایي، اسلامي امارت له ګاونډيو، د سیمې او له نورو هېوادونو سره نېکې او پر متقابل درناوي ولاړې اړیکې غواړي او زیاتوي چې افغانستان سفارتونه بايد په دې برخه کې هڅې جدي کړي.
د ا.ا مشر مسوولینو ته: له خلکو سره داسې چلند مه کوئ چې هغوی ځان پردی وبولي
د اسلامي امارت مشر په خپل اختریز پیغام کې ویلي، مسوولین دې د خلکو پر وړاندې دروازې پرانیزي او له هغوی سره دې داسې چلند نه کوي چې ځان له مسؤولینو کم او یا پردی وبولي.
یوناما: افغانستان کې د کوکنارو کښت کې د پام وړ کموالی راغلی
افغانستان لپاره د ملګرو ملتونو د سرمنشي ځانګړې استازې روزا اوتونبایوا د ریاستالوزرا له سیاسي مرستیال او کفیل مولوي عبدالکبیر سره په لیدنه کې د کوکنارو په کښت کې کموالی مثبت ارزولی او په ډاګه کړې چې له کروندګرو سره د مرستو په موخه یې له چین او هندوستان څخه مرسته غوښتې ده.
روسیې د اسلامي امارت په رسمیت پېژندل ټولګډون حکومت جوړولو پورې مشروط کړ
د روسیې د بهرنیو چارو وزیر سرګي لاوروف یو ځل بیا د افغانستان اسلامي امارت په رسميت پېژندل یوه ټولګډون حکومت جوړولو پورې مشروط کړی دی.
مولوي عبدالکبیر: اسلامي امارت ټولو هېوادوالو ته د سوکاله ژوند برابرولو هڅه کوي
د ریاستالوزراء کفیل او سیاسي مرستیال له ټولو داخلي او بهرنيو مرستندویه بنسټونو غوښتي چې له افغان کډوالو سره خپلو مرستو ته دوام ورکړي.
ندیم: د اسلامي امارت د ګومارنو معیار تقوا، دینداري او اهلیت دی نه قومیت
د لوړو زدهکړو سرپرست وزیر ویلي چې کار اهل کار ته سپاري او په ګومارنو کې د اړیکو او خپلوۍ پر ځای وړتیا یا اهلیت ته ترجیح ورکوي.
اسلامي امارت د افغانستان اقتصادي وضعیت په اړه د نړۍوال بانک د وروستي راپور هرکلی وکړ
اسلامي امارت د افغانستان اقتصادي وضعیت په اړه د نړۍوال بانک د وروستي راپور هرکلی کړی او له نړۍوال بانک یې غوښتي چې په افغانستان کې د خپلو نیمګړو پروژو چارې پيل او بشپړې کړي.
امریکا: بشري مرستو کې د مسوولینو مداخلې له امله د افغانستان ځینو سیمو کې فعالیتونه درول شوي
د امریکا د بهرنیو چارو وزارت وایي، د افغانستان په ځینو سیمو کې د بشري مرستو فعالیتونه وروسته له هغه درول شوي چې د ځایي مسوولینو له خوا د لاسوهنې شواهد یې وموندل. دغه څرګندونې…
بهرنیو چارو وزارت: افغانستان د یو څه وخت لپاره نړۍوالو مرستو ته اړتیا لري
د مرستو ترلاسه کولو او وېش لپاره د لا ډېرې همغږۍ په موخه، د افغانستان اسلامي امارت او د ملګرو ملتونو اړوندو ادارو ترمنځ د يوې کمېټې پر جوړولو هوکړه وشوه. د بهرنیو چارو وزارت…
مجاهد: اسلامي امارت اقصی جومات ته د اسراییلیانو ننوتل او بېحرمتي غندي
اسلامي امارت اقصی جومات ته «د اسراییلیانو ننوتل او دغه جومات بې حرمتي» غندي، وایي دغه کار د نړۍوالو اصولو خلاف دی او باید دا ډول کړنې ژر ودرول شي.
د بامیان مخکنی والي طاهر زهیر له اسلامي امارت سره یوځای شو
د سمنګان مسوولین وايي چې د جمهوريت مهال د بامیان والي طاهر زهیر له دوو کلونو وروسته د سمنګان په درهصوف پایان ولسوالۍ کې له اسلامي امارت سره یوځای شو.
اسلامي امارت پاکستان کې وروستیو لاریونونو ته په اشاره ښکېل لوري زغم او تفاهم ته راوبلل
د افغانستان اسلامي امارت په پاکستان کې د وروستيو تحولاتو په غبرګون کې د خلکو له خوا پر لاریونونو او تاوتریخوالو خواشيني ښودلې او له ښکېلو لورو يې د زغم او تفاهم هیله کړې ده.
امیرخان متقي د یوه لوړپوړي پلاوي په مشرۍ نن اسلاماباد ته ځي
د پاکستان د بهرنیو چارو وزارت وایي، د افغانستان د بهرنیو چارو سرپرست وزیر مولوي امیرخان متقي د یوه لوړپوړي پلاوي په مشرۍ نن اسلاماباد ته په درې ورځني سفر رسېږي. په اسلاماباد کې د…
عزيزي: اسلامي امارت د رسنیو لپاره کومه نوې پاليسي نه ده راوړې
د اطلاعاتو او کلتور وزارت مسوولین وایي، اسلامي امارت د رسنیو لپاره کومه نوې تګلاره او پاليسي نه ده راوړي او د اسلامي او ملي ارزښتونو په رڼا کې د مطبوعاتو ازادۍ ته ژمن دی.
ملګري ملتونه وایي، د دوحې کنفرانس کې یې اسلامي امارت ته د ګډون بلنه نه ده ورکړې
ملګري ملتونه وایي، د افغانستان په تړاو د قطر پلازمېنې دوحه کې کېدونکي نړۍوال کنفرانس کې یې اسلامي امارت ته بلنه نه ده ورکړې.
