افغانستان

د برېتانیا یو شمېر مخکنیو سرتېرو په افغانستان او عراق کې پر جنګي جنایتونو اعتراف کړی او ویلي یې دي، ځانګړو برېتانوي ځواکونو ملکي وګړي «د شپې په خوب کې» وژل او ان هغه ماشومان چې لا د جګړې عمر ته نه وو رسېدلي، اعدامول یې.

د قطر پلازمېنه دوحه کې د اسلامي امارت سفیر د افغانستان لپاره د فرانسې له شارژدافیر سره په لیدنه کې له هغه غوښتي چې یاد هېواد دې کابل کې خپله سیاسي استازولي فعاله کړي.

د کورنیو چارو وزارت سرپرست د چین او پاکستان له ځانګړو استازو سره په لیدنه کې ویلي چې د اقتصادي او سیاسي اړیکو پراختیا او سیمه‌ییز تفاهم د متقابل درناوي او تعامل له لارې ترلاسه کېدای شي.

د افغانستان د المپیک ملي کمېټه وایي، له دینې اړخه د ځینو ملاحظاتو له امله په هېواد کې «شطرنج لوبه» ځنډول شوې ده.

د بهرنیو چارو سرپرست وزیر د افغانستان لپاره د چین له ځانګړي استازي سره په لیدنه کې د دواړو هېوادونو ترمنځ د سیاسي اړيکو او اقتصادي همکاریو د پراختیا په اړه خبرې کړې دي.

د مخابراتو او معلوماتي ټکنالوجۍ سرپرست د اېم‌سي‌سي چیني شرکت له استازو سره د مخابراتي خدمتونو، ټکنالوجۍ او دغه راز د مصنوعي ځیرکتیا برخو کې د دوه اړخیزو همکاریو په اړه خبرې کړې دي.

د هرات والي ترکمنستان ته د سفر پر مهال د دغه هېواد له یو شمېر چارواکو سره لیدنه کې د اړیکو پر پیاوړتیا، د ټاپي پروژې چارو پر چټکتیا، د انرژۍ، ترانزیټ او صادراتو برخو کې یې د دواړو هېوادونو له ظرفیتونو پر ګټې اخیستو ټینګار کړی دی.

مالیې وزارت وایي، د افغانستان او روسیې ترمنځ د ګډو اقتصادي او سوداګریزو همکاریو د پراختیا لپاره د یوې «معقولې طرحي» د جوړېدو په موخه د اړوندو وزارتونو ترمنځ غونډه وشوه.

په کابل کې د ایران سفیر د کانونو او پټرولیم وزارت له سرپرست سره په لیدنه کې له ایراني شرکتونو د افغانستان د کانونو سکټور کې د ګډ کار او پانګونې غوښتنه کړې ده.

د راپورونو له مخې، د هند د مغزیاتو او وچو مېوو شورا د اتارې- واګه لارې د تړل کېدو له امله د هند له حکومته غوښتي څو له افغانستانه دغه هېواد ته د وچې مېوې د واردېدو لپاره هوايي دهلېز رامنځته کړي.

د افغانستان د اوبو او انرژۍ وزارت سرپرست په کابل کې د چین له سفیر سره لیدنه کې له هغه غوښتي چې د اروزګان او پکتیا ولایتونو لپاره د لمریزې برېښنا شبکو جوړولو کې همکاري وکړي.

قرغیزستان د روان ۲۰۲۵ کال په لومړيو دوو میاشتو کې افغانستان ته د ۱۱.۵ میلیون ډالرو په ارزښت، ۲۴.۹ میلیون لیتره نفتي توکي صادر کړي دي.