جلال اباد (پژواک ٢٤ تله ٩١): د ننګرهار د ملکي روغتون د جراحۍ په څانګه کې نوې عمليات خونې جوړې او د تلې په ٢٤مه ګټې اخيستنې ته وسپارل شوې.
د دغه روغتون رييس ډاکټر همايون زهير پژواک خبري اژانس ته وويل، چې يادې عمليات خانې د هېلټ نېټ او اروپايي اتحاديې په مالي مرسته جوړې شوې دي.
هغه زياته کړه، چې د دغو عمليات خانو په جوړېدو سره به هغه ستونزې چې پخوا يې د جراحي عملياتو په برخه کې لرلې، له منځه ولاړې شي.
نوموړي وويل، چې په دغو عمليات خونو کې دوه يې د اورتيپيدي او ګوش ګلو برخو ته ځانګړې شوې دي.
ډاکټر زهير وايي، چې د دغو عمليات خونو په فعالېدو سره به هغه ستونزې چې پخوا يې لرلې له منځه ولاړې شي.
د ننګرهار ملکي روغتون د ختيځې حوزې په کچه لوى روغتون دى، چې پر يو وخت د ٤٥٠ مريضانو د بستر وړتيا لري.










