منځپانګې ته تلل
دوشنبه ۱۶ نومبر ۲۰۲۶ · کابل ۹:۱۷ غ.م
۹° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

کابل کې زرګونو تنو د کرکټ ملي لوبډلې هرکلى وکړ

· ۱ دقیقه لوستل · ۱۲۲ کتنې

کابل (پژواک، ٨ لړم ٩٤ ) : د کرکټ ملي لوبډله د زمبابوې د لوبډلې پر وړاندې له سترې بريا وروسته هېواد ته راستنه شوه او ګڼ شمېر هېوادوالو يې په اتڼونو هرکلی وکړ.

د افغانستان د کرکټ ملي لوبډلې افريقايي هېواد زمبابوې ته د کرکټ په دوو شل اووريزو لوبو کې ماتې ورکړه او له پنځو ٥٠ اووريزو لوبو يې هم درې له زمبابوې څخه وګتلې.

دا لومړى ځل دى چې د کرکټ د دويمې درجې غړيتوب لرونکي هېواد ( افغانستان) د لومړۍ درجې غړيتوب لرونکي هېواد  ( زمبابوې ) ته ستره ماتې ورکړه.

افغان لوبډله نن له غرمې مخکې کابل ته راورسېده.

  يو شمېر دولتي چارواکي او ګڼ شمېر عام خلک د کابل هوايي ډګر ته  د خپلې لوبډلې هرکلي ته ورغلي وو.

هېوادوالو په ډولونو او اتڼونو د کرکټ لوبډلې هر کلى وکړ او دغه لوبډله يې تر کرکېټ بورډ پورې  بدرګه کوله.

د کرکـټ بورد مخې ته زرګونه کسان د خپلې لوبډلې د هرکلي په موخه راټول شوي دي.

وړمه شپه هم د افغانستان په وخت په شاوخوا اووه بجو د افغانستان د ملي لوبډلې له بريا سره سم په پلازمېنه کابل، کندهار، جلال اباد او يو شمېر نورو ښارونو کې هېوادوال او د کرکټ مينه وال راووتل ، په ډولونو او اتڼونو يې دا بريا ونمانځله.

 

 

غړي

You need to subscribe to view the full article. Please login or register a new account.

اړوند خبرونه

ټول لوبې