منځپانګې ته تلل
دوشنبه ۱۶ نومبر ۲۰۲۶ · کابل ۸:۱۱ غ.م
۳° — په ټولو ولایتونو کې هوا
صاف · ↑۱۴° ↓۱°
د هوا کیفیت: منځنی
غړي

افغانستان په فوټبال کې بنګله دېش ته ستره ماتې ورکړه

· ۱ دقیقه لوستل · ۷۷ کتنې

کابل (پژواک، ۳ مرغومی ۹۴) : افغانستان د سویلي اسیا فوټبال سیالیو په لړ کې بنګله دېش ته څلور پر صفر ماتې ورکړه.

د  افغانستان فوټبال فدراسیون ویاند سید علي کاظمي د مرغومي  په ۳ مه، پژواک خبري اژانس ته وویل چې دا لوبه نن په هندوستان کې ترسره شوه.

هغه زیاته کړه، چې ددې لوبې په لومړۍ برخه کې افغان لوبغاړو ډیره ښه لوبه وکړه او درې ګولونه یې ووهل.

دنوموړي په وینا، د لوبې په دویمه برخه کې هم افغان لوبغاړو یو ګول وواهه، د بنګله دیش د ګول  وهلو هڅې وکړې، خو افغان لوبغاړو له خپل ګول څخه ښه دفاع وکړه.

د کاظمي په وینا، د افغانستان له لوري مسیح سیغاني، فیصل شایسته ، زبیر امیري او خیبر اماني ګولونه ووهل.

په دې سیالیو کې دسویلي اسیا اوه هیوادونو برخه اخیستې ده، چې په دوو ګروپونو ویشل شوي دي.

افغانستان مالدیپ، بنګله دیش او بوټان په ب ګروب کې، هندوستان نیپال او سریلانکا په الف ګروب کې دي.

د راتلونکې یکشنبې په ورځ افغانستان خپله دویمه له بوټان سره ترسره کوی، افغانستان دوه کاله مخکې ددې سیالیو  اتلولي خپله کړې وه او اوس له خپلې اتلولۍ دفاع کوي.

غړي

You need to subscribe to view the full article. Please login or register a new account.

اړوند خبرونه

ټول لوبې