کابل (پژواک ١٨ مرغومى ٩٦): د ملي تدارکاتو کمېسيون د ۲،۳ میلیارده افغانیو په ارزښت پنځه قراردادونه منظور کړي دي.
د ولسمشرۍ له مطبوعاتي دفتر څخه پژواک خبري اژانس ته په رالېږل شوې خبرپاڼه کې راغلي، چې د ولسمشر محمد اشرف غني په مشرۍ د ملي تدارکاتو کمېسیون غونډه پرون ماښام په ارګ کې جوړه شوه.
سرچينه کاږي، په دې غونډه کې د ۲،۳ میلیارده افغانیو په ارزښت پنځه قراردادونه منظور شول چې لاندې پروژې په کې شاملې دي:
- له دوشي څخه تر بامیان پورې د ۲۲۰ کیلوولټه برېښنا لین د وېش شبکې قرارداد چې په مشروط ډول منظور شو؛
- د موبایل له لارې د معاشونو د ورکړې پروژه؛
- د هرات ولایت د دوا کیفیت لابراتوار او روغتیایي محصولاتو د ودانۍ جوړول؛
- د ملي امنیت عمومي ریاست د مرکزي ادارو او نظامي قطعاتو د اړتیا وړ تېلو تدارک؛
- او د ملي دفاع وزارت د ستر درستیز ریاست لپاره د PBX او CISCOټيلیفونونو د سیستم چمتو کول.
پر دې سربېره ملي تدارکاتو کمېسیون تر ۱۵٪ پورې د سالنګونو د ساتنې اړتیا وړ د دوه قلمه تېلو د قرارداد تعدیل تائید کړ.
په دې ناسته کې همدارنګه د کابل ـ لوګر سړک د ۷ کیلومتر جوړولو قرارداد هم وارزول شو، خو ملي تدارکاتو کمېسیون تائید نه کړ او پرېکړه وشوه چې یاده پروژه فواید عامې وزارت ته انتقال او تدارکاتي پروسه یې د همغه وزارت له لارې بشپړه شي
کمېسیون همداراز له دوشي څخه تر بامیان پورې د برېښنا شبکې دوه نورې برخې د بیې د چنې، د شرکتونو د ترلاسه شویو اسنادو د ډاډ او د پروژې د تمویلوونکي (د اسیا پراختیایي بانک) د اعتراض د نه اخیستو په خاطر بېرته ور وګرځولې.
ياد شوي کمېسیون مالیې وزارت مکلف کړ چې په دې اړه د پروژې تمویلوونکو سره اړیکه ونیسي او تر یوې اونۍ پورې د پایلو په اړه کمېسیون ته راپور ورکړي.
د خبرپاڼې د معلوماتو پربنسټ، په دې غونډه کې له اداري فساد سره د مبارزي پارلماني کاکس، د ولسي جرګې د ملي اقتصاد کمېسیون، د ولسي جرګې د مالي او د بودجې کمېسیون، د افغانستان د څار بنسټ، د سیګار او غوڅ ملاتړ سیستیکا ادارو ملي او بین المللي څارونکوهم حضور درلود.
غړيYou need to subscribe to view the full article. Please login or register a new account.
