کابل (پژواک، ٢٠ ورى ٩٧): د هېواد يو شمېر جهادي او سياسي مشرانو له پاکستان سره د افغانستان د دولت د خبرو اترو له پيله ملاتړ وکړ.
له ارګه د وري په ٢٠مه پژواک خبري اژانس ته په يوه را لېږل شوې خبرپاڼه کې راغلي چې ولسمشر محمد اشرف غني د خپلو مشورتي ناستو په لړ کې پرون ماښام د هېواد له یو شمېر جهادي رهبرانو، سیاسي مشرانو او د سیاسي ګوندونو له استازو سره وکتل.
سرچينې زياته کړې، په دې کتنه کې ولسمشر غني د سولې پروسې او له پاکستان سره د دولت له دولت سره مذاکراتو د پیل په اړه په تفصیل سره خبرې وکړې.
هغه زياته کړه، د افغانستان حکومت د سولې طرحه له داخلي، سیمه ییز او بین المللي ملاتړه برخمنه ده او د سولې لپاره یې شرایط برابر کړي دي.
په خبرپاڼه کې راغلي، د هېواد جهادي او سیاسي مشرانو هم د سولې او د دولت له دولت سره د مذاکراتو په اړه خپل لیدلوري څرګند کړل او هغه یې د دواړو هېوادونو د خلکو او دولتونو په ګټه وبلل او پر سیاسي اجماع او د داخلي، ملي او نړیوالو مسایلو په اړه د مشورو پر تداوم یې ټینګار وکړ.
ولسمشر غني وویل: ((زه پر مشورو معتقد یم او له سیاسي جریانونو، ملي شورا، مدني بنسټونو، رسنیو، ښځو او بېلابېلو اقشارو سره د مشورو لړۍ ته به ادامه ورکړم.))
د يادونې ده، ولسمشر څو څو ځلي ويلي چې غواړي له پاکستان سره نېغ په نېغه خبرې اترې وکړي او په همدې موخه څو ورځې مخکې د پاکستان لومړي وزير شاهد خاقان عباسي کابل ته سفر وکړ او دواړو لورو پر اوو اصولو موافقه وکړه.
غړيYou need to subscribe to view the full article. Please login or register a new account.
