منځپانګې ته تلل
دوشنبه ۱۶ نومبر ۲۰۲۶ · کابل ۱۲:۱۲ غ.و
۱۳° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی
غړي

په ننګرهار کې د ځغاستې سیالي ترسره شوه

· ۲ دقیقې لوستل · ۷۹ کتنې

جلال اباد(پژواک،٢١ غويى٩٧): د روژې مبارکې میاشتې د رارسېدو په ویاړ ننګرهار کې د ځغاستې سیالي ترسره شوه

دغه سيالي د سلګونه ځوانانو له لوري نن د غويي په ٢١مه د ننګرهار په مرکز جلال اباد کې ترسره شوه.

ياده سیالي چې د هډې ځوانانو ولسي پیوستون ټولنې له خوا او ملي سوداګر عتیق الرحمان په مالي مرسته د جلال اباد پر حلقوي سړک د درې کيلومتره واټن په وهلو سره ترسره شوه،په کې د بېلابېلو ولایتونو دوه سوه ځوانانو ګډون کړی وو .

ددغې سيالۍ يو تنظيمونکي نقیب احمد اتل پژواک ته وويل، د يادې سيالۍ موخه داده چې د ځوانانو ترمنځ انسجام او یووالی رامنځته کړي، له دې لارې خلکو ته د سولې پیغام ورسوي او ځوانان له ناروا فعالیتونو او د نشه یي توکو له کارونې را وګرځوي.

نوموړي پر دولتي او نادولتي ادارو غږ وکړ چې د بې کارۍ په کمولو کې دې بې درېغه هلې ځلې وکړي او بې روزګاره ځوانانو ته دې د کار زمینه برابره کړي.

د ننګرهار ورزشي امریت د ځغاستې فدارسیون مشر شکرالله دا سیالي په ورزشي ډګر کې یو مثبت او بې ساری ګام یاد کړ او د عتیق الرحمن تلیسمیا روغتون له مشر او د ځوانانو ولسي پیوستون له ټولنې څخه یې مننه وکړه چې دغه سیالي يې جوړه کړې وه.

په پای کې د سیالۍ ګټونکي لوبغاړي د ځوانانو د ولسي پیوستون او د ملي سوداګر عتیق الرحمان ګروپ له خوا په نغدي او نورو ډالیو ونازول شول

غړي

You need to subscribe to view the full article. Please login or register a new account.

اړوند خبرونه

ټول لوبې