ښرنه (پژواک، ٢٨ سلواغه ٩٨): د پکتيکا د مدني ټولنو د همغږۍ دفتر د مشر په شخصي لګښت د دغه ولايت له سلګونو بېوزله کورنيو سره د خوراکي توکو مرستې وشوې.
د پکتيکا د مدني ټولنو د همغږۍ دفتر مشر خورشيد امان ګټوازي د سلواغې په ٢٨مه پژواک خبري اژانس ته وويل چې تر اوسه يې د مرکز ښرنې ترڅنګ په ګومل، برمل او خيرکوټ ولسواليو کې پر درې سوه کورنيو خوراکي توکي وېشلي دي او دغه لړۍ روانه ده.
د نوموړي د معلوماتو له مخې، په يادو مرستو کې اوړه، غوړي، دال، لوبيا او ځينې نور خوراکي توکي شامل دي.
ده زياته کړه: ((دغه مرستې زه له خپله جيبه کوم، دغه کسان د سيمه ييزو شوراګانو له خوا راته په نښه شوي او مرستې ورسره ترسره کيږي.))
دغه راز يوتن مرسته اخيستوونکي جهانباز وويل چې د ژمي او بې کارۍ له امله له سختو اقتصادي ستونزو سره مخ دى.
هغه زياته کړه: ((هر کس ته يې د اووه زره افغانيو په اندازه خوراکي توکي ورکړل، کور يې ودان موږ ترې خوشحاله يو.))
همدارنګه يو بل مرسته اخيستوونکي محمد نيسم وويل چې د ملي سوداګرو له لوري ددغه شان مرستو ترسره کول، بېوزله خلک نورو ته د لاس له اوږدلو څخه ژغوري.
ده پر نورو سوداګرو هم غږ وکړ چې له بيوزلو خلکو سره مرستې ترسره کړي.
غړيYou need to subscribe to view the full article. Please login or register a new account.
