کابل (پژواک،۱۴کب ۹۸): جمهوري رياست اوربند او سوله د دولت سترې موخې د خلکو غوښتنه بللې او وايي چې له طالبان سره په مرکچي پلاوي کار شوی، خو سپېدار ماڼۍ د ارګ له خوا د مسوولانه چلند غوښتنه کوي.
د ولسمشر مرستیال ویاند لطیف محمود نن پژواک خبري اژانس ته وویل چې له تېرې ورځې راهیسې د سولې د مرکچې پلاوي پر نوملړ کار روان دی او مذاکراتو ته تر تلو به تیار شي.
هغه زیاته کړه، د سولې مذاکراتي پلاوي غړي د ګوتو په شمېر، صلاحیتونه یې محدود او اصلي دنده یې د نظر تبادله ده.
نوموړي په د یاد پلاوي د صلاحیتونو پر محدودیت په ټینګار وویل، وروستۍ پرېکړه د ملي شورا، لویې جرګې او یا ټول پوښتنې په چوکاټ کې د افغانستان خلک کوي.
محمود د سولې بین افغاني خبرو جریان ته په اشاره وویل، په حقوقي بحثونو کې حقوق پوهان، په دیني بحثونو کې دیني عالمان او د ښځو اړوند بحثونو کې ښځې بحث ته داخلېږي او ټول د افغانستان د اساسي قانون ارزښتونو او دېموکراتیک نظام ته ژمن دي.
د ولسمشر د ویاند مرستیال د سولې د مرکچي پلاوي ترڅنګ د یوې شورا د موجودیت خبر ورکړ او زیاته یې کړه، د دې شورا چې د افغانستان د یو شمېر مشرانو څخه جوړه شوې، دنده يې مشوره ورکول او څار دی.
د حکومت اجرایه ریاست هم وايي چې د دغه ریاست مشرتابه د افغان سیاسي مشرانو سره په مشوره او رایې ورکونې د سولې د مرکچي پلاوي نوملړ وروستی کړی دی.
د اجرایه ریاست مرستیال ویاند امېد میثم زیاته کړه: ((موږ هیله لرو چې ارګ هم د سولې له بهیر سره مسوولانه چلند وکړي څو موږ د افغانستان د اسلامي جمهوريت له خوا د جامع او ټول شموله پلاوي شاهدان شو.))
نوموړي د پلاوي د شمېر او ځانګړتیاوو په اړه معلومات ورنه کړل، خو زیاته یې کړه چې د بین الافغاني خبرو پیل ته لازم تیاری شته.
دا په داسې حال کې ده چې د ملي یووالي حکومت مشران له طالبانو سره د سولې خبرو د مرکچې پلاوي په جوړېدو هوکړې ته نه دي رسېدلي، خو عبدالله عبدالله او ګلبدین حکمتیار تېره ورځ د حامد کرزي په کور کې د یاد پلاوي د نوملړ په اړه خبرې کړې دي.
د طالبانو او امریکا ترمنځ د سولې تړون د روانې میاشتې په لسمه د قطر په پلازمېنه دوحه کې لاسلیک شو چې د دواړو لوریو د بندیانو خوشي کېدل هم په کې شامل دي.
د تړون له مخې، پنځه زره طالب زندانیان او د افغان حکومت ۱۰۰۰ بندیان د ۱۳۹۸ کال د کب په ۲۰ مه د بین الافغاني خبرو د پیل په لومړۍ ورځ او پاتې بندیان به په راتلونکو درېیو میاشتو کې خوشي شي.
په قطر کې د طالبانو د سیاسي دفتر د رهبرۍ غړي شېر محمد عباس په قطر کې رسنیو ته ویلي و چې د افغانانو ترمنځ خبرې په هغه صورت کې پیلېږي چې د افغان حکومت له زندانونو څخه پنځه زره طالب بندیان خوشي شي.
هغه زیاته کړې وه چې امریکا له طالبانو سره ژمنه کړې چې پنځه زره طالبان بندیان خوشي کېږي.
خو افغان حکومت دې ته په اشاره چې د طالب زندانیانو په اړه له امریکا سره هېڅ ډول هوکړه نه ده شوې وايي، د طالب بندیانو خوشي کول د امریکا صلاحیت نه، بلکې د افغان حکومت صلاحیت دی.
غړيYou need to subscribe to view the full article. Please login or register a new account.
