کابل (پژواک، ۲۱ غبرګولی ۹۹) : د ولسي جرګې په نننۍ غونډه کې د کرونا ضد مبارزه کې د عامې روغتیا وزارت پر فعالیتونود نیوکو ترڅنګ پرېکړه وشوه، چې راتلونکې اوونۍ د عامې روغتیا سرپرست وزیر ور وغوښتل شي.
د ولسي جرګې د نن د غبرګولي په ۲۱مه، د عامې روغتیا وزارت پر فعالیتونو بحث وکړ، د نیمروز وکیل ګل احمد نورزاد وویل چې د کرونا وبا ډېره خپره شوې، خو د عامې روغتیا وزارت ټول پروګرامونه د کاغذ پر مخ دي او عملي بڼه ډېره نه لري.
هغه زیاته کړه، چې له یوې خوا کرونا ناروغي په تیزۍ سره خپریږي، خو د عامې روغتیا وزارت پرېکړه کړې چې د نیمروز سل بستریز روغتون ۵۰ بستریزو ته راټیټ کړي.
د غزني د خلکو استازې نفیسې عظیمي هم وویل چې د عامې روغتیا وزارت د کرونا د مخنیوي کوم خاص پروګرام په نظر کې نه لري.
د نوموړې په وینا، د کرونا ناروغان او د هغوی پایوازان له زیاتو ستونزو سره لاس او ګریوان دي ، په روغتونونو کې اکسیجن او درمل نشته.
د ولسي جرګې نورو غړو هم نیوکه کوله چې د میلیونونو ډالرو مرستو سره سره هره ورځ د کرونا ناروغان د اکسیجن د نشتوالي له امله مړه کیږي.
د لوګر د خلکو استازي شاه حسین زوی وویل چې د کرونا پر ضد مبارزه د ځینو دولتي چارواکو لپاره د عاید سرچینه شوې او په مرسته شویو پیسو کې ستر فسادونه کیږي.
ده زیاته کړه : (( موږ څو وارې له عامې روغتیا وزارت څخه د لګول شویو پيسو اسناد غوښتي ، خو هغوی حاضر نه دي چې معلومات شریک کړي.))
ګڼ شمېر وکیلانو په دغه ناسته کې د عامې روغتیا وزارت د سرپرست وزیر د استجواب غوښتنه وکړه.
د ولسي جرګې رییس میر رحمان رحماني وویل چې ټول دولتي چارواکي د ولس او ددوی استازو ته باید ځواب ورکوونکي واوسي .
هغه زیاته کړه چې د راتلونکې اوونۍ د چهارشنبې په ورځ د عامې روغتیا وزارت سرپرست باید د ولسي جرګې عمومي غونډې ته حاضر او د استازو پوښتنو ته ځوابونه ورکړي.
د عامې روغتیا و زارت د معلوماتو له مخې، تر اوسه په هېواد کې تر ۲۲ زرو ډېر کسان په کرونا اخته، تر ۴۰۰ زیات مړه او نږدې درې زره روغ شوی دي.
غړيYou need to subscribe to view the full article. Please login or register a new account.
