د اماراتو حکومت ١١ افغان بنديان خوشې کړل

کابل (پژواک، ١٠ تله ٩٩) : د متحده عربي اماراتو حکومت له خپلو زندانونو څخه ١١ تنه افغان بنديان خوشې کړي دي.

ددغه هېواد په دوبۍ ښار کې د افغانستان کونسل جنر ال مسعود عزيزي د تلې په ١٠مه، په خپله ټويټرپاڼه کې ليکلي چې دغه افغان بنديان د دوى په هڅو خوشې شوي دي.

هغه زياته کړې چې دغه افغانان د اماراتو د رآس الخېمه ښار په زندان کې د بېلا بېلو جرمونو په تړاو بنديان وو.

عزيزي ويلي، چې په متحده عربي اماراتو کې ددغو خوشې شويو کسانو د اړوندو کارونو خلاصولو وروسته به ډېر ژر افغانستان ته ولېږل شي.

د نوموړي په وينا، ډېر ژر به څو تنه نور افغانان هم ددغه هېواد له زندانونو څخه خلاص او هېواد ته ولېږل شي.

د يادونې ده چې په متحده عربي اماراتو کې زرګونه افغانان مزدورۍ او سوداګري کوي او په بېلا بېلو جرمونو او تورنو يو شمېر په زندانونو کې دي.

غړي

You need to subscribe to view the full article. Please login or register a new account.