کابل (پژواک، ۱۷ تله ۹۹) : د افغان سولې لپاره دامریکا ځانګړي استازي زلمي خلیلزاد او په افغانستان کې د ناټو قوماندان جنرال سکاټ مېلر د پاکستان د پوځ او ای اس ای مشرانو سره لیدلي دي.
د پاکستان د پوځ لخوا د تلې په ۱۷مه، په یوه خپره شوې خبرپاڼه کې راغلي چې دغه لیدنه نن د پوځ په مرکز کې وشوه.
سرچینې زیاته کړې، په دې لیدنه کې د پوځ مشر جنرال باجوه، د ای اس ای مشر جنرال حمید او افغانستان لپاره د پاکستان ځانګړي استازي هم شتون درلود.
په خبرپاڼه کې راغلي، په دې لیدنه کې دامریکا او پاکستان پر اړیکو، دوه اړخیزو ګټو، په افغانستان او سیمه کې دسولې او ثبات او په افغان سولې پروسه کې د وروستیو پرمختګونو په اړه خبرې وشوې.
د پاکستان پوځ ویلي چې امریکایي لوري په دې لیدنه کې په افغان سولې پروسه کې د پاکستان د رول او همکاریو ستاینه وکړه.
د یادونې وړ ده چې زلمي خلیزاد له تیرو څو ورځو راهیسې په قطر کې وو او هلته یې افغان ولسمشر اشرف غني او د طالبانو مشرانو سره یې لیدنې کړې دي.
دا لیدنې کتنې په داسې حال کې شوې چې په افغانستان کې د تاوتریخوالي پيښې زیاتې شوې، او د اوربند او تاوتریخوالي کمولو فشارونه او غوښتنې ډیرې شوې دي.
غړيYou need to subscribe to view the full article. Please login or register a new account.
