ښرنه (پژواک، ٢٤ تله ٩٩): د پکتیکا ولایت مرکز ښرنې او مټاخان ولسوالۍ ترمنځ د دېرش کیلومتره سړک د ترمیم او بیارغونې چارې د څه باندې ٣١ مېلیونه افغانیو په لګښت پیل شوې.
د اړوندې موضوع په اړه جوړې شوې غونډې ته د پکتيکا مرستیال والي شير بادشاه اورګونې وويل، چې د دغه سړک د بيا رغونې چارې به د درېيو مياشتو په موده کې بشپړې شي.
هغه زياته کړه: ((د مرکز ښرنې او مټاخان ولسوالۍ ترمنځ د دېرش کیلو متره سړک د ترمیم کارونه د ٣١،٥ ميلیونه افغانیو په لګښت پيل شوي دي.))
دغه راز د پکتيکا د سړکونو د څارنې او ساتنې ريیس مدیر احمدزي خلکو ته د یاد سړک د ترمیم چارو د ښه کیفیت ډاډ ورکړ او په دې برخه کې يې د خلکو همکاري مهمه یاده کړه.
نوموړي زیاته کړه، د یادې پروژې تر پایه دوه انجنيران ګومارل شوي، څو د یاد سړک د کارونو له کیفیت څخه څارنه وکړي.
همدرانګه د يادې لارې يو تن موټر چلوونکي حميدالله وويل چې د یاد سړک په بیارغولو خوښ دى او وایي چې له دې سره به د تګ راتګ پر وخت ستونزې کمې شي.
د يادونې ده چې دوه ورځې وړاندې هم په دغه ولايت کې د ٤٢ ميليونه افغانيو په لګښت د يوه کانال او يو استنادي ديوال د جوړېدو چارې پيل شوې دي.
غړيYou need to subscribe to view the full article. Please login or register a new account.
