په کابل ښار کې یوې چاودنې دوه ملکي وګړي ټپیان کړل

<p style="text-align: justify;">کابل(پژواک،۱۹سلواغه۹۹): پولیس وایي چې د کابل ښار په نهمه امنیتي حوزه کې د مقناطیسي ماین د چاودنې له امله دوه ملکي وګړي ټپیان شول.</p>

<p style="text-align: justify;">د کابل د امنیه قوماندانۍ ویاند فردوس فرامرز پژواک خبري اژانس ته وویل چې چاودنه نن سهار په اتو بجو او پنځه څلوېښت دقیقو د کابل په څلورم مکررویان کې شوې ده.</p>

<p style="text-align: justify;">هغه وایي چې دغه چاودنه پر یوه هایلکس موټر شوې چې له امله یې دوه ملکي وګړي ټپیان شوي دي.</p>

<p style="text-align: justify;">نوموړي زیاته کړه چې د پېښې ټپیان روغتون ته لېږدول شوي دي.</p>

<p style="text-align: justify;">دا په داسې حال کې ده چې تېره ورځ د کابل ښار لومړۍ امنیتي حوزې په باغ قاضي سیمه کې دوو چاودنو د پولیسو د یوه افسر او یوه هندو په ګډون دوه کسان وژلي او د دوه هندوانو په ګډون یې پنځه کسان ټپیان کړي وو.</p>

<p style="text-align: justify;">د یادونې ده چې په دې وروستیو کې کابل ښار کې دماینونو چاودنې ډېرې شوې دي چې د کابل اوسېدونکي یې سخت اندېښمن کړي دي.</p>