پل علم (پژواک ۱۹ سلواغه ۹۹): د لوګر د پوهنې ریاست وایي چې د لوګر په خوښۍ ولسوالۍ کې د دوو ښوونځیو نوې ودانۍ او د ۶ نورو ښوونځیو د پاکو اوبو څاګانې جوړې شوې.
په دې تړاو جوړو شویو مراسمو کې والي عبدالقیوم رحیمي، د پوهنې رئیس سرمؤلف سید عزیز احمد هاشمي، د کلیو، بیارغونې او پراختیا رئیس انجنير اصغر ځاځي، ولسوال، دیني عالمانو او قومي مشرانو برخه اخیستې وه.
د پوهنی ریاست ویاند شاپور عرب پژواک خبري اژانس ته وویل، دغه ښوونځي او د اوبو څاګانې د کلیو، بیارغونې او پراختیا وزارت د اقراء پروګرام له لارې د ۱۹،۵ میلیونه افغانیو په لګښت جوړ شوي دي.
ده زياته کړه، په جوړ شویو ښوونځیو کې د خواجه لغوي او پاینده خېلو د نجونو او هلکانو د ښوونځيو ودانۍ او د ۶ نورو ښوونځیو لپاره د پاکو اوبو ژورې څاګانې شامل دي.
د هغه په وينا، د ښوونځیو د ودانیو په جوړېدو سره ۸ سوه زده کوونکو ته د زده کړو لازم ښوونیز چاپیریال برابر شو او هم د اوبو څاګانو په جوړولو سره د ۳زره زده کوونکو د څښاک د پاکو اوبو ستونزه حل شوه.
د لوګر د پوهنې په برخه کې د اقراء پروګرام ۱۱۱ پروژې شته، چې په دغو پروژو کې د ۶۸ ښوونځیو ودانۍ او د ۴۳ نورو د ښوونځیو اړین ملحقات جوړول شامل دي.
  . . .
You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن