ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کابل ښار پنځمې امنیتي حوزې امر له خپلو دوو ساتونکو سره وژل شوی

د کابل ښار پنځمې امنیتي حوزې امر له خپلو دوو ساتونکو سره وژل شوی

author avatar
10 Feb 2021 - 12:18
د کابل ښار پنځمې امنیتي حوزې امر له خپلو دوو ساتونکو سره وژل شوی
author avatar
10 Feb 2021 - 12:18

کابل (پژواک، ۲۲ سلواغه ۹۹): امنیتي سرچینې وایي، د کابل ښار پنځمې امنیتي حوزي امر محمدزی کوچی او د هغه دوه ساتونکي نن سهار په یوه چاودنه کې وژل شوي دي.

یوې امنیتې سرچینې چې نه یې غوښتل نوم یې یاد شي، پژواک ته وویل، دغه چاودنه نن سهار د کابل ښار له بره کي څلورلارې سره هغه مهال رامنځته شوه چې د دغه ښار پنځمې امنیتي حوزې د امر موټر له سیمې د تېرېدو په حال کې و.

د کابل امنیې قوماندانۍ ویاند فردوس فرامرز په یاده ساحه کې د چاودنې رامنځته کېدل تایید کړي دي.

فرامرز وایي، پر یوه لنډکروزر موټر چاودنه شوې چې په پایله کې یې ۲ کسان وژل شوي او یو بل ټپي شوی دی.

خو نوموړي د پنځمې امنیتي حوزې د امر وژل کېدو په اړه څه نه دي ویلي.

د یادو چاودنو مسوولیت کومې ډلې پر غاړه نه دی اخيستی.

د دې پېښو په اړه وروستي جزئیات له پژواک سره تعقیب کړئ.

دا په داسې حال کې ده چې تېره ورځ د کابل ښار په شپاړسمه حوزه کې په یوه چاودنه کې د بهرنیو چارو وزارت یو موټر چلوونکی او پنځمه حوزه کې په یوه وسله وال برید کې، د ورګو ولایت د کلیو پراختیا ریاست څلور کاکوونکي ووژل شول.

د یادونې ده چې په دې وروستیو کې په کابل ښار د ماین چاودنې ډېرې شوې چې له امله یې ډېرو کسانو ته مرګ ژوبله اوښتې ده.

Views: 91

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.