کندوز (پژواک، ۳۰ سلواغه ۹۹) : د کندوز ولایت د ښارجوړنې ریاست اړوند د اراضۍ ادارې لپاره نوي ودانې د ۷ میلیونه افغانیو په ارزښت جوړه او ګټې اخیستنې ته وسپارل شوه.
دولایت مقام لخوا په یوه خپره شوې خبرپاڼه کې راغلي، چې یاده دوه پوړیزه ودانۍ باندي شاوخوا ۷ میلیونه افغانۍ لګښت راغلی چې په اساسي بڼه جوړه شوې ده.
سرچینې زیاته کړې، چې په دې ودانۍ کې د ادارې خونو ترڅنګ په کې یو د لویو غونډو تالار هم جوړ شوی دی.
د کندوز والي عبدالستار میرزکوال چې د ولایتي شورا ریس او د یوشمیر نورو ادارو ریسانو یې هم ملتیا کوله یاد تعمیر د پټۍ په پریکولو ګټې اخیستنې ته وسپاره.
میرزکوال وویل چې ورځ تربلې به کندوز کې د امنیتي وضعیت د ښه والي ترڅنګ په انکشافي برخو کې به د پام وړ پرمختګ راشي چې د انکشافي پروژو د تطبیق په ترڅ کې به د کندوز خلکو ته د کار فرصت هم برابر شي.
Visits: 52
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن