کابل (پژواک، ۱۲ غبرګولی ۱۴۰۰): کابل ښاریان په داسې حال کې د منظم ښاري ترانسپورټي سیستم له نشتوالي شکایت کوي او حکومت د یوه منظم سیستم په رامنځته کولو کې پاتې بولي چې د ملي بس د رییس په وینا، په هېواد کې د جګړو دوام د دې ادارې خدمتونه پیکه کړي او حکومت باید د ملي بس ادارې ملاتړ وکړي.
د پژواک خبریال له یو شمېر کابل ښاریانو سره د خبرو په ترڅ کې د ښار په کچه د ملي بس د فعالیت په اړه د دوی نظرونه ترلاسه کړي دي.
ځینو کسانو د ښاري ترانسپورټ د یوه منظم سیستم نه شتون لویه ستونزه بللې ده.
خلک: ښاري ترانسپورټی سیستم دې رامنځته شي
