جلال اباد(پژواک ۱۱ زمري ۱۴۰۰): د ننګرهار د ولايتي شورا رييس وايي چې د دغې شورا يو کارپوه نن ماښام په جلال اباد ښار کې د نامعلومه وسله والو له لوري ووژل شو.
د راپورونو له مخې نوموړی د ماښام لمانځه پرمهال له جوماته کور ته روان و چې وسله والو پرې بريد کړی دی.
د ننګرهار د ولايتي شورا رييس احمدعلي حضرت د زمري په ۱۱مه پژواک اژانس ته وويل چې امدالله همدرد نن ماښام د جلال اباد ښار د څلورمې ناحيې اړوند مجبور اباد سيمه کې په نښه شوی دی.
د ننګرهار ولايت يوې امنيتي سرچينې هم تاييد کړه چې دغه پېښه رامنځته شوې ده.
د دغې پېښې مسوليت چا په غاړه نه دی اخېستی.
Visits: 51
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن