کابل (پژواک، ۴ تله ۱۴۰۰): ټاکل شوې د ملګرو ملتونو سازمان عمومي مجمع ناستې وروسته ډېر ژر د افغانستان په محوریت د “جي ۲۰” هېوادونو ناسته ترسره شي.
د سپوتنیک د راپور له مخې، ټاکل شوې د افغانستان په محوریت د “جي ۲۰” هېوادونو د مشرانو ناسته د سپټمبر په ۲۸ مه (د تلې په ۶مه) ترسره شي.
سرچینې لیکلي، دغه موضوع د روسیې د بهرنیو چارو وزارت مرستیال سرګي ورشینین له خوا اعلان شوې ده.
سرچینې زیاته کړې، د ایټالیا لومړی وزیر ماریو دراګي د دې ناستې مشري کوي.
سرچینې لیکلي، ټاکل شوې د افغانستان په محوریت د دې ډلې ناسته د ملګرو ملتونو سازمان د عمومي مجمع د لوړې کچې تر ناستې یوه اونۍ وروسته ترسره شي.
د ملګرو ملتونو سازمان د عمومي ناستو وروستۍ ناسته سبا دوشنبې (د تلې په پنځمه) ترسره کېږي او د اشرف غني دولت استازی غلام محمد اسحق زی به د افغانستان په استازیتوب په کې خبرې وکړي.
