کابل (پژواک، ۲۲ تله ۱۴۰۰): د ملکي هوايي چلند ادارې د پاکستان PIA او کام ایر هوايي شرکتونو ته خبرداری ورکړی چې د خپلو ټکټونو بیې بېرته راټیټې کړي.
د ملکي او هوايي چلند ادارې د يوه مکتوب په خپرولو سره ويلي چې د کابل- اسلام اباد ترمنځ دې د ټکټونو بيې د پخوا په څېر تنظيم شي.
په خبرپاڼه کې ويل شوي چې د مخالفت په صورت کې به دواړو شرکتونو ته پر ياد مسیر د الوتنو اجازه ور نه کړل شي.
په خبرپاڼه کې له خلکو هم غوښتل شوي چې ترې د لوړو ټکټونو اخیستو په صورت کې دې له يادې ادارې سره اسناد او شواهد شریک کړي.
دا په داسې حال کې ده چې د کابل- اسلاماباد ترمنځ د یوه ټکټ بیه تر ۲۵۰۰ ډالرو رسېدلې ده خو د پخواني نظام پر مهال د دغه ټکټونو بيه د ٣٠٠ ډالرو په شاوخوا کې وه.
Visits: 152
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن