ښرنه (پژواک، ٢٣ تله ١٤٠٠): په پکتيکا کې د پاکستان د خلکو له لوري له ٢١٠٠ بېوزلو کورنيو سره د خوراکي توکو مرستې ترسره کېږي.
د الخدمت فونډېشن استازي مصباح وويل چې دغه مرستې د پاکستان د خلکو له لوري را ټولې شوې چې په پکتيکا کې حکومتي مسوولينو ته وسپارل شوې څو پر بېوزله او مستحقو خلکو يې ووېشي.
د نوموړي د معلوماتو له مخې، په دغو مرستو کې غوړي، وريجي او نور خوراکي توکي شامل دي.
د مصباح په وينا، د پاکستان خلک او حکومت غواړي چې له افغانانو سره خپلې بشردوستانه مرستې جاري وساتي.
د پکتيکا مرستيال والي مولوي محب الله حماس د يادو مرستو د هرکلي ترڅنګ وويل چې دغه مرستې به پوره شفافيت سره پر خلکو ووېشل شي.
د يادونې ده، له دې وړاندې هم د پاکستان حکومت او خلکو په بېلابېلو ولايتونو کې له خلکو سره مرستې ترسره کړې دي.
. . .
