جلال اباد (پژواک، ۳ لړم ۱۴۰۰): د ننګرهار مرکز جلال اباد ښار کې د ولسي جرګې د پخواني غړي ابرار الله مراد ورور غفران د ناپېژاندو کسانو له خوا وژل شوى دى.
د ابرارالله مراد بل ورور اسرارالله مراد چې د ننګرهار ولايتي شورا غړی و، د لړم په ۳مه يې پژواک اژانس ته وويل، ورور يې غفران چې د جلال اباد ښار د پنځمې ناحيې امر و د جلال اباد ښار لومړۍ ناحيې مربوطاتو کې وژل شوى دى.
د ننګرهار يوه روغتيايي چارواکي هم پژواک ته تاييد کړه چې د غفران جسد روغتون ته وروړل شوی دی.
د جلال اباد ښاروالۍ يوه مسوول هم دغه خبر پژواک ته تاييد کړ.
د نوموړي د وژنې مسووليت چا نه دی منلی.
د يادونې ده چې په دې وروستيو کې جلال اباد ښار کې هدفي وژنې ډېرې شوي چې خلک يې سخت اندېښمن کړي دي.
Visits: 75
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن