کابل (پژواک، ۲۰ لېندۍ ۱۴۰۰): د المپیک نړیوالې کمېټې له دوو زرو افغان لوبغاړو سره ۵۶۰زره امریکایي ډالر مرسته اعلان کړه.
د افغانستان د بدني روزنې ادارې پر خپلې فېسبوکپاڼې لیکلي چې یادې کمېټې دغه څرګندونې تېره پنجشنبې کړې او د جزئیاتو له ورکولو پرته یې ویلي چې یاده مرسته د هلکانو او نجونو په ګډون دوه زره افغان لوبغاړو ته په پام کې نیول شوې ده.
د بدني روزنې اداره زیاتوي چې دغه مرسته به له افغان لوبغاړو سره د ملګرو ملتونو د کډوالو ادارې له لارې وشي.
سرچینې لیکلي چې د المپیک نړیوالې کمېټې مشر توماس باخ د افغان لوبغاړو پر ملاتړ ټینګار کړی دی.
. . .
