ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې ١٥ کسان له وسلو او مهماتو سره نيول شوي

ننګرهار کې ١٥ کسان له وسلو او مهماتو سره نيول شوي

author avatar
11 Dec 2021 - 14:36
ننګرهار کې ١٥ کسان له وسلو او مهماتو سره نيول شوي
author avatar
11 Dec 2021 - 14:36

جلال اباد (پژواک، ۲۰ لېندۍ ۱۴۰۰): د ننګرهار ولايت مرکز او ولسواليو کې ١٥ شکمن کسان د عملياتو پر مهال له وسلو او مهماتو سره يو ځای نيول شوي دي.

چارواکي وايي، دغه عمليات د ننګرهار ولايت استخباراتو ریاست ځانګړې عملیاتي قطعې په تېرو دوو اوونيو کې ترسره کړې دي.

د استخباراتو لوی رياست وياند خليل همراز د لېندۍ په ۲۰مه پر خپلې ټويټرپاڼې ليکلي چې په ننګرهار ولایت کې د تېرو دوو اوونیو په جریان کې ګڼ شمېر هغه وسلې او چاودېدونکي توکي چې په ناقانونه توګه ساتل کېدل، ترلاسه شوي دي.

هغه زياته کړې چې د استخباراتو رياست د ځانګړې عملياتي قطعې په دغو عملياتو کې د یادو توکو په تړاو ۱۵ کسان هم نیولي او تر څېړنو لاندې دي.

د ننګرهار د اطلاعاتو او فرهنګ رياست هم پژواک ته تاييد کړه چې دغه عمليات د ننګرهار په مرکز جلال اباد ښار او ځینو ولسواليو کې شوي دي.

Views: 286

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.