ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

فاروق وردګ: حکومت دې د افغانانو د تجرید ناکامې تجربې د بیا تکرار مخه ونیسي

فاروق وردګ: حکومت دې د افغانانو د تجرید ناکامې تجربې د بیا تکرار مخه ونیسي

author avatar
20 Mar 2022 - 14:43
فاروق وردګ: حکومت دې د افغانانو د تجرید ناکامې تجربې د بیا تکرار مخه ونیسي
author avatar
20 Mar 2022 - 14:43

کابل (پژواک، ٢٩ کب ١٤٠٠): د پارلماني چارو  پخوانى وزير فاروق وردګ وايي چې له هېواده وتلي شخصیتونه باید بېرته ته راستانه شي خو سرپرست حکومت باید د ټولو خلکو مدني او بشري حقوق تأمین کړي.

هغه دغه څرګندونې نن پر خپلې فېسبوکپاڼې هېواد ته د افغانانو راستنېدو او له هغوی سره د “اسلامي امارت” له لوري د اړیکو کمېسیون جوړېدو په اړه کړې دي.

دی وايي: “په حقیقت کې سیاسي ثبات، د نظام ټینګښت، د هغه موثریت، افادیت، استمرار، ملي او جهاني مشروعیت د همداسې سالمو او معقولو کړنو مستلزم وي.”

هغه زیاته کړې، هغه افغان شخصیتونه چې بهر ته په تګ یا مجبور شوي یا د شرایطو په جبر کې ګیر راغلي، د سرپرست حکومت د ورورۍ او وطندارۍ ابتکار ته دې لبیک ووایي او د خپل ولس د خدمت لپاره دې بېرته راستانه شي.

د وردګ په وینا، هغه افغانان چې په بیا ستنېدو کې ستونزې او مسایل لري، تر دې دمه یې د مطرح کولو مشخص ادرس معلوم نه و، اوس کولای شي خپل مسایل له دغه کمېسیون سره مطرح او د حل لارې ورته پیدا کړي.

دی زیاتوي: “وطن د ټولو افغانانو شریک کور دی او د ټولو هېوادوالو خدای ورکړي وطني حقوق باید په کې خوندي وي، خو ترڅنګ یې ټول هېوادوال پر وړاندې مساوي وجایب او مکلفیتونه هم لري.”

ده ویلي، د سرپرست حکومت مسوولیت دی چې د خپلو ژمنو تحقق ته ژمن پاتې شي، د دولتدارۍ لمن دې پراخه کړي، د افغانانو د تجرید د ناکامې تجربې د بیا تکرار مخه دې ونیسي او د هېوادوالو مدني او بشري حقوق دې تأمین کړي.

د يادونې ده، د افغانستان سرپرست حکومت له افغان شخصیتونو سره د اړیکو او د هغوی د راستنولو په نوم کمېسیون جوړ کړی څو بهر ته وتلي افغان سیاسي شخصیتونه وهڅوي چې بېرته هېواد ته راشي.

دا کمېسیون اووه غړي لري چې مشري یې د کانونو او پټروليم وزیر شهاب الدین دلاور کوي؛ دغه راز  امیرخان متقي، خیرالله خیرخواه، فصیح الدین فطرت، عبدالحق وثیق، محمد خالد حنفي او انس حقاني یې نور غړي دي.

Hits: 541

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.