پل علم (پژواک، ۳۰ وری ۱۴۰۱): د لوګر ولایت د حج او اوقافو ریاست له خوا په مرکز پل علم کې د یوه جامع جومات د ودانۍ جوړولو چارې پیل شوې.
د حج او اوقافو رییس مولوي فضل الکریم احمد پژواک ته وویل، دا جومات د مرکز اړوند په کمال خېلو کلي کې پر ۱۰ زره متره مربع ځمکه د یوه کال په موده کې جوړېږي چې ۱۵ میلیونه افغانۍ لګښت ورباندې راځي.
هغه زیاته کړه، دا پیسې د دغه ولایت د ځینو مخورو له خوا ورکول کېږي.
دی وايي، د جومات دا ودانۍ به په ۲ پوړه کې جوړېږي چې د احاطې دېوال، د اوبو څاه، تشنابونه او نور اړین ملحقات به ولري.
د ده په خبره، دغه جومات به په یوه وخت د ۱۳۰۰ لمونځ کوونکو د ځایولو وړتیا ولري.
هغه دا هم وویل چې د جومات مخکنۍ ودانۍ خامه او د ویجاړېدو په حال کې وه.
د کمال خېلو سیمې اوسېدونکي حاجي محب پژواک خبري اژانس ته وویل، د جومات پخوانۍ ودانۍ زړه شوې وه او د کلي اوسېدونکو په خپل لګښت د بلې ودانۍ د جوړولو توان نه درلود.
هغه له چارواکو مننه وکړه چې د دوی د جومات د نوې ودانۍ لپاره یې پیسې پیدا او د جوړولو چارې یې پيل کړې.
د یادونې ده، وړم کال د حج او اوقافو وزارت د دغه ولایت په مرکز، محمد اغې او خوښي ولسوالیو کې ۳ لوی جوماتونه جوړ کړل.
غړيYou need to subscribe to view the full article. Please login or register a new account.










