اسعداباد (پژواک، ۳غويی ۱۴۰۱): په کونړ ولایت کې د موټرو يوه مستري په خپل شخصي لګښت ۴۰۰ یتيم ماشومانو ته د اختر جامې وپېرلې.
رحمت الله خاکسار چې د کونړ مرکز اسعداباد اړوند نواباد سیمه کې د موټر جوړولو ورکشاپ لري؛ پژواک اژانس ته وويل چې د خپلو بچيانو له لګښته يې پيسې سپمولې او دغو يتيمانو ته يې پرې د اختر جامې اخيستې دي.
ده وويل، پر یادو ۴۰۰ جوړو جامو ۱۱۰زره افغانۍ لګښت شوی.
نوموړي زیاته کړه: «له څو مياشتو راهيسې مې د خپلو بچيانو لګښت کم کړی؛ پیسې مې سپمولې او اوس مې بې سرپرستو او يتيمو ماشومانو ته ورباندې د اختر لپاره جامې واخيستې.»
ده له سوداګرو او شتمنو وغوښتل چې د خپل ورځني ژوند لګښتونه دې کم کړي او له بېوزلو سره دې مرسته وکړي.
په ورته مهال یتیم ماشومان او کورنۍ یې د دغو مرستو له ترلاسه کولو خوښ دي او پر حکومت او نورو ملي سوداګرو غږ کوي چې له بېوزلو خلکو سره دې مرستې وکړي.
۷ کلن محمد چې د مرورې ولسوالۍ د چینار سیمي اوسیدونکی دی وایي، په کورنۍ کې د ګټې وټې څوک نه لري او سږني اختر ته ځکه خوښ دی چې نوې جامې یې ترلاسه کړې.
قومي مشر او د څلورو یتیمو ماشومانو سرپرست شیرمحمد بیا له فقر او بیوزلۍ سره د مبارزې په برخه کې د دغه ډول ځوانانو هڅې ستایي او له نورو هم غواړي چې په ټولنه کې د هغو اړمنو او ناچارو خلکو لاسنیوی وکړي چې دا مهال له سختو اقتصادي ستونزو رنځ وړي.
غړيYou need to subscribe to view the full article. Please login or register a new account.
