کابل (پژواک، ۳ غویی ۱۴۰۱): د افغانستان پخواني ولسمشر حامد کرزي د مدني ټولنو له یو شمېر فعالانو سره لیدنه کې ویلي، یو ځل بیا د نجونو ښوونځیو پر پیلېدو او دندو ته د ښځو پر تګ ټینګار کوي.
د حامد کرزي له دفتره په خپره شوې اعلامیه کې راغلي چې نوموړي نن د غويي په درېیمه په کابل کې د مدني تولنې له یو شمېر فعالانو سره ولیدل.
سرچینه لیکي، د مدنې ټولنې یو شمېر استازو په دې لیدنه کې د نجونو ښوونځیو خلاصېدو او کارونو ته د ښځو پر تګ ټینګار کړی دی.
دوی ټینګار کړی چې د هېواد ښځې دې هم د نارینه وو په څېر زده کړې وکړي او له خپلو وروڼو سره دې د هېواد د پرمختګ په برخه کې هڅه او کوښښ وکړي.
په خبرپاڼه کې راغلي چې کرزي دغه غوښتنه پر حق وبلله او ویې ویل، دا د ټولو افغانانو غوښتنه ده.
حامد کرزي یو ځل بی د نجونو ښوونځیو پر خلاصېدو او دندو ته د ښځو پر تګ ټینګار کړی دی.
غړيYou need to subscribe to view the full article. Please login or register a new account.
