اټلانټا (پژواک، ۹ غویی ۱۴۰۱) : روسیې د امریکا د متحدو ایالتونو پر هغې پریکړې اعتراض کړی چې د افغانستان چورلکې یې یوکراین ته ورکړې دي.
تر دې مخکې امریکایي رسنیو خبر ورکړی چې د کابل تر سقوط وروسته د افغانستان یو شمیر چورلکې یوکراین ته د ترمیم لپاره لیږدول شوې وې.
خو اوس امریکایي چارواکو ویلي چې دغه چورلکې بیرته افغانستان ته نه لیږدول کیږي او یوکراین ته یې سپارلي دي چې د روسیې پر ضد جګړه کې ترې استفاده و کړي.
د واشنګټن پوسټ ورځپاڼې تیره اوونۍ په یو راپور کې ویلي و چې متحده ایالاتو ۱۶ نظامي چورلکې چې د افغانستان د مخکني حکومت پوځ ته یې پیرلې وې، یوکراین ته سپاري.
د ورځپاڼې په راپور کې د دې چورلکو د نوعیت په هکله ویل شوي دي چې(MI-17) دي او دا چې د افغانستان د مخکني هوایي ځواک پیلوټان یې د ګټې اخیستو سره ښه بلد و، متحده ایالاتو دا الوتکې د روسیې څخه پیرلې وې.
په راپور کې ویل شوي دا چې د دې الوتکو پیسې امریکا ورکړي نو په همدې خاطر د دفاع وزرات یا پنټاګان د تیر کال په وروستیو میاشتو کې کانګرس ته خبر ورکړ چې دا الوتکې د امریکا په مالکیت کې راځي.
خو د روسیې د ټاس خبري اژانس د روسیې د فدرالي خدماتو په ادارې کې د نظامي او فني همکاریو څانګې په حوالې ویلي چې دې ادارې د متحده ایالاتو پر دې اقدام اعتراض کړی او هغه یې د قانون خلاف بللی.
دې ادارې ویلي چې د چورلکو د پلور په قرارداد کې ویل شوي چې دا الوتکې به د امریکایانو لخوا د افغانستان وسله والو ځواکونو ته سپارل کیږي او د روسیې د اجازې پرته دا الوتکې د افغانستان پرته بل هیواد نه نشي ورکول کیدی.
غړيYou need to subscribe to view the full article. Please login or register a new account.
