ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په ننګرهار کې يوه کس خپله مېرمن او څلور ماشومان په چاړه وهلي

په ننګرهار کې يوه کس خپله مېرمن او څلور ماشومان په چاړه وهلي

author avatar
11 May 2022 - 10:26
په ننګرهار کې يوه کس خپله مېرمن او څلور ماشومان په چاړه وهلي
author avatar
11 May 2022 - 10:26

جلال اباد (پژواک، ۲۱ غويی ۱۴۰۱): د ننګرهار په چپرهار ولسوالۍ کې يوه کس خپله مېرمن او څلور ماشومان په چاړه وهلي او سخت يې ټپيان کړي دي.

که څه هم د سيمې خلک وايي چې ياد کس دغه کار د اقتصادي ستونزو له امله کړی خو ځايي امنيتي مسوولين وايي چې دغه کس تاريخ تېر درمل خوړلي وو، بد اغېز يې پرې کړی و او بيا دغه کار ترې شوی دی.

د چپرهار ولسوالۍ يوه اوسېدونکي نسيم خان پژواک اژانس ته وويل چې پرون ماښام د دې ولسوالۍ د للمې سيمې يوه اوسېدونکي د اقتصادي ستونزو له امله پر خپلې مېرمنې او ماشومانو د چړې ګوزارونه کړي دي.

دی زياتوي چې په پېښه کې د سړي مېرمن او څلور اولادونه سخت ټپيان شوي دي.

خو د چپرهار امنيه قوماندان بدرالدين چپرهاري پژواک ته وويل چې پېښه په اقتصادي ستونزو پورې تړاو نه لري.

هغه زياته کړه چې د حزب الله په نوم دغه کس يې نيولی او هغه په لومړنيو پلټنو کې ويلي چې د تاريخ تېر درملو خوړل يې عصبي سيسټم خراب کړی او دغه جرم ترې شوی دی.

نوموړی زياتوي چې له يوه ماشوم پرته د نورو ټولو ټپيانو روغتيايي وضعيت د ډاډ وړ دی.

Hits: 235

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.