کابل (پژواک، ۲۴ غبرګولی ۱۴۰۱): نړیوال بانک په افغانستان کې د لوږې ختمولو په موخه د کرنې له برخي سره د ۱۵۰ میلیون امریکايي ډالرو مرسته اعلان کړې ده.
د ملګروملتونو د خوړو او کرنې ادارې (FAO) نن په خپله رسمي پاڼه کې د نړۍوال بانک د دغه اقدام هرکلی کړی دی.
سرچینې ویلي، په افغانستان کې د خوړو خوندیتوب له يادې پروژې سره د نړیوال بانک دغه مرسته به د دې لامل شي چې په سیمهییزه کچه د خوراکي توکو تولید ډېر او د بېوزله کروندګرو د ژوند امکانات ښه شي.
سرچينې د (FAO) د مشر کیودونګیو (QU Dongyu) له قوله لیکلي: «دا په افغانستان کې د بېوزلو کروندګرو لپاره یوه تاریخي شېبه ده، دا زموږ د ډلهییزو هڅو یو مهم پړاو دی، ښې پایلې به ولري، د ناورین مخه به ونیسي او د زیان منونکو خلکو په ژوند کې به مثبت بدلون راشي.»
سرچینې د جزئياتو له ورکولو پرته ویلي چې نړۍوال بانک به له دغه ارګان سره د ۲۴ میاشتو په اوږدو کې ۴۵ میلیون ډالر نوره مرسته هم وکړي.
