میدان ښار (پژواک، ۲۴ چنګاښ ۱۴۰۱): د میدان وردګو ولایت عامې روغتيا ریاست وايي چې د سويډن همکارې موسسې له لوري له ياد ریاست سره د ۲۶ میلیون افغانيو په ارزښت طبي وسایلو او درملو مرسته وشوه.
دغه ریاست ویلي، ياده مرسته پرون «د چنګاښ ۲۳مه» د ولایت په کچه روغتيايي مرکزونو په واک کې ورکړل شوې ده.
د سویډن همکارې موسسې مشر خالد الرحمن رسولي پژواک ته وویل، دوی دغه مرسته خلکو ته د ښو طبي خدماتو وړاندې کولو په موخه کړې ده.
ده وویل، په مجموعي ډول د ولایت په کچه روغتيايي مرکزونو ته د ۲۶ میلیون افغانيو په ارزښت درمل او طبي وسایل ورکړل شوي دي.
نوموړي زياته کړه: «د ۱۰ مېلیون افغانیو په ارزښت مو د ولایت په کچه شلو روغتیایي مرکزونو لپاره احاطې دېوالونه جوړ او ژورې څاه ګانې کېندلې، د څلور نیم مېلیونو افغانیو په ارزښت يې ۱۲ روغتیایي مرکزونو لپاره ۲۴ ساعته سولري برېښنا برابره کړې ده.»
ده دغه راز وویل، د دوه میلیون افغانیو په ارزښت يې ولایتي روغتون ته د برېښنا د تولید ماشين او د څه باندې دوه مېلیونو افغانیو يې روغتیایي کارکوونکو لپاره موټرسیکلونه اخيستي دي.
رسولي زياته کړه، د اته مېلیونه افغانیو په ارزښت یې د لابراتوارنو لپاره طبي ماشینونه او د ولادي برخې لپاره شپږ سوه طبي کېټونه برابر کړي دي.
د دغه ولایت د عامې روغتيا رییس ډاکټر محمدزرک ځيرک هیله څرګنده کړه چې د یادو مرستو پر مټ به خلکو ته د روغتيايي خدماتو په وړاندې کولو کې لا زياتې اسانتياوې رامنځته شي.
غړيYou need to subscribe to view the full article. Please login or register a new account.
