کابل (پژواک، ۲۷ چنګاښ ۱۴۰۱): یو شمېر افغان خبریالانو په اسلاماباد کې په یوه اعتراضیه غونډه کې، د نړۍ له هېوادونو په ځانګړې توګه کاناډا څخه وغوښتل چې په پاکستان کې د دوی وضعیت ته پام وکړي.
د راپورونو له مخې، د کاناډا لومړي وزیر جسټین ترودو د تېر کال زمري په ۲۴ مه د افغانستان د سیاسي نظام له سقوط څو اونۍ وړاندې ویلي و چې ۴۰زره افغانان کاناډا ته استول کېږي. د دغه پروګرام له لارې په تېرو یوولسو میاشتو کې ۱۶زره افغانان کاناډا ته تللي دي.
دا په داسې حال کې ده چې د کاناډا د کډوالو چارو وزارت د روانې چنګاښ میاشتې په ۲۴مه اعلان وکړ چې د ۴۰زره افغان پناهغوښتونکو د منلو پروګرام له لارې یې تر اوسه د ۱۸زره افغانانو غوښتنلیکونه څېړلي، خو د نورو افغانانو د منلو او کاناډا ته د استولو توان نه لري.
خو په پاکستان کې مېشت یو شمېر افغان خبریالانو د یوې اعتراضیه غونډې په ترڅ کې، کاناډا ته د دوی د سفر د منلو په برخه کې د اسانتیاوو غوښتنه وکړه او وايي، دوی له څو میاشتو راهیسې بې برخلیکه ژوند تېروي او بهرني بنسټونه چې له پاکستانه یې نورو هېوادونو ته د خبریالانو د لېږدولو ژمنه کړې وه، تر اوسه یې د دوی د لېږد په برخه کې هېڅ اقدام نه دی کړی.
دغو خبریالانو په یوه پرېکړهلیک کې ویلي: «موږ د افغانستان د ۴۰زره زیانمنو پناهغوښتونکو یوه برخه یو چې د کاناډا دولت د پناهغوښتونکو په توګه زموږ د منلو ژمنه کړې ده او موږ له څو میاشتو راهیسې په یو بشپړ بې برخلیکه او سختو روحي شرایطو کې ژوند کوو، په ارامۍ کې ژوند کول مو حق دی او د کاناډا دولت تر اوسه له خطر سره د مخ خبریالانو د ایستلو لپاره هېڅ اقدام نه دی ترسره کړی.»
په پرېکړه لیک کې یادونه شوې، د کاناډا لومړي وزیر چې د ۴۰زره افغان پناهغوښتونکو د منلو ژمنه کړې وه، د دوی د کډوالۍ په پروسه کې د اسانتیاوو رامنځته کولو په برخه کې دې لازمې لارښوونې وکړي او د کاناډا د کډوالو چارو وزیر، کاناډا ته د افغان خبریالانو د لېږد بهیر اسانه کړي.
دغهراز په پریکړهلیک کې ویل شوي: «د کاناډا پارلمان او محترم وکیلان یې په افغانستان او پاکستان کې د خبریالانو بد او کړکېچن وضعیت ته په پام سره باید زموږ غوښتنو ته جدي پاملرنه وکړي.»
همدارنګه د پرېکړهلیک په دوام کې راغلي: «نن چې زموږ ژوند هم په افغانسان او هم په پاکستان کې له خطر سره مخ دی، نو بشردوستانه قوانینو ته په کتو د کاناډا حکومت باید ژر تر ژره هغه هېواد ته زموږ د لېږد شرایط برابر کړي، ځکه کاناډا هر کال د نړۍ له هر ګوټ څخه زرګونه کډوال مني او نن چې موږ تر ټولو زیانمن یو، نو حق مو دی چې زموږ د لېږد لپاره عملي کارونه ترسره شي.»
دغهراز، د اسلامي امارت مشر مولوي هبتالله اخوندزاده څه موده وړاندې په کابل کې د علماوو په غونډه کې په بهر کې له مېشتو افغانانو وغوښتل چې خپل هېواد ته راستانه شي. هغه ټولو ته د خوندي ژوند ډاډ ورکړ او ویې ویل، هېڅوک په هغه جرم چې له بښنې وړاندې یې ترسره کړی وي، محاکمه کېدای نه شي.
غړيYou need to subscribe to view the full article. Please login or register a new account.
