جلال اباد (پژواک، ۱۴ زمری ۱۴۰۱): د ننګرهار په چپرهار ولسوالۍ کې ناپېژاندو وسلهوالو يو قومي مشر د سهار لمانځه پرمهال وژلی دی.
چارواکي وايي، مولوي محمد قيوم نن سهار (د جمعې ورځ) په جومات کې د لمانځه پرمهال وژل شوی دی.
د چپرهار ولسوال قاري بدرالدين چپرهاري نن (زمري ۱۴مه) پژواک اژانس ته وويل، نن سهار د دغې ولسوالۍ په «ماڼو» کلي کې ناپېژاندو کسانو یو قومي مشر مولوي عبدالقيوم د لمانځه پرمهال وژلی دی.
دی وايي، امنيتي مسئولين يې سیمې ته د پلټنو لپاره لېږلي دي.
د سيمې يوه اوسېدونکي محمد جان هم پژواک ته وويل، مولوي عبدالقيوم جومات کې د لمانځه په وخت کې وژل شوی دی.
د دغه بريد مسئوليت تراوسه کومې مخالفې وسلهوالې ډلې پر غاړه نه دی اخېستی.
Visits: 800
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن