کابل (پژواک، ۳ وږی ۱۴۰۱): د مخابراتو وزارت په تېر یو کال کې د شاوخوا ۷ میلیارد افغانیو عواید ترلاسه کولو خبر ورکوي او وایي چې په هېواد کې د ۷۵۰۰ مخابراتي سایټونو په فعال ساتلو سره ۹۰ سلنه وګړي مخابراتي او انټرنېټي اسانتیاوو ته لاسرسی موندلی دی.
د مخابراتو او ټکنالوجۍ وزارت سرپرست مولوي نجیب الله حقاني نن (د وږي ۳مه) په کابل کې ملت ته د دولت حساب ورکولو ناسته کې د دغه وزارت د تېر یوه کال لاسته راوړنو او کړنو په اړه خبریالانو ته معلومات ورکړل.
هغه په دې ناسته کې وویل چې په هېواد کې د ۷۵۰۰ مخابراتي سایټونو په فعال ساتلو سره ۹۰ سلنه وګړي مخابراتي او انټرنېټي اسانتیاوو ته لاسرسي موندلی چې له دغه درکه اوسمهال ۲۲ میلیون پېردونکي ۲جي او ۶ میلیون نور ۳جي انټرنېټ ته لاسرسی لري.
د نوموړي په وینا، په تېر یوه کال کې د ۲۰ نوو مخابراتي سایټونو په فعالولو سره ۱۰۰زره کسان له انټرنېټي اسانتیاوو برخمن شوي او اوسمهال د ۲۸ نورو سایټونو پر فعالولو کار روان دی.
هغه زیاتوي، د یوه کال په ترڅ کې ۲۰۴۸ مخابراتي سایټونه ترمیم او بیارغول شوي او په نږدې موده کې به ۴۵۰ نور مخابراتي سایټونه په ۳۸۸ ولسوالیو کې په فعالیت پیل وکړي.
نوموړی وایي، دغه وزارت په تېر یوه کال کې ۶.۸۸۱ میلیارد افغانۍ عاید درلودل چې د وړم کال په پرتله ۲۱ میلیارده افغانۍ زیاتوالی ښیي.
هغه زیاته کړه، په تېر یوه کال کې د کریډېټ کارت د ۱۰ سلنې مالیې له درکه ۵ میلیارد افغانۍ راټولې شوې دي.
د سرچینې د معلوماتو له مخې، د دغه وزارت عواید په ۱۳۹۹ کال کې څه باندې ۵.۶۴۹ میلیارد افغانیو ته رسېدل.
د نوموړي په وینا، د ناقانونه سیمکارټونو د وېش د مخنیوي په موخه له روشن، اتصالات، ستارهګان توحید او بلور مخابراتي شرکتونو سره یو هوکړهلیک لاسلیک شوی او د دې پروسې د قانوني کولو لپاره جدي هڅې پیل شوې دي.
هغه په ډاګه کړه، د افغان بېسیم، افغان نېټ، ۱۰۱ ښوونځي، ۱۰ پوسته خانو او ۱۰ روغتونونو له انټرنېټي خدمتونو او نوري فایبر شبکې سره نښلول د دغه وزارت له مهمو کارونو دي چې تېر کال یې ترسره کړي دي.
نوموړی زیاتوي، د مخابراتي خدمتونو د کیفیت ښه والي او د نیمګړتیاوو د له منځه وړو په موخه د مخابراتي خدمتونو د کیفیت د ښه والي لپاره طرزالعمل جوړ شوی او دغه وزارت د طرزالعمل پلي کولو او د هېواد په ۶ زونونو کې د تخنیکي ټیمونه ګومارل او تجهیزول د مخابراتي خدمتونو د کیفیت څېړل او د شفافو خدمتونو وړاندې کولو په برخه کې به ډاډمنې هڅې وکړي.
د هغه په وینا، په تېر یوه کال کې د نوري فایبر ۳۰۰ کیلومتر کېبلونه غځول شوي، ۵۷۰۰ کیلومتر کیبل یې ترمیم او رغېدلی، د فرینکونسیو ۹۵۵ جوازونه صادر شوي، ۳۵۳ جوازونه تعدیل او ۵۵۴۰ نور جوازونه نوي شوي دي.
هغه زیاتوي، ۱۵۰زره ثابتې ټیلېفوني شبکې ترمیم شوې او د سلام مخابراتي شبکې د کیفیت ښه کېدو لپاره د ۳۳ نوو سایټونو جوړولو سربېره یې په محرومو ولایتونو او سیمو کې استازولۍ فعالې شوې دي.
د سرچینې په وینا، د انټرنېتي او مخابراتي اسانتیاوو د کیفیت ښه کېدو، د نوو سایټونو فعالول، د نوري فایبر شبکې د ظرفیت ښه کېدو او د انټرنېټ او مخابراتي خبرو اترو د امنيت د تامين په موخه تدارکاتي پلان ترتيب شوى دى.
د دغه وزارت د خبرو له مخې، د برېښنايي امضا د قانون، د پستي خدمتونو د قانون او پاليسۍ د تعديل طرحه جوړه، د نوري فايبر پاليسۍ، د بېسيم انټرنېټي شبکې کارول، بک اپ، د معلوماتو خونديتوب، د سايبري ګواښونو تشخیصول، اطلاعاتو ته لاسرسی، IP-فون او د معلوماتي ټکنالوجۍ پالیسي هم نهایي کړي دي.
غړيYou need to subscribe to view the full article. Please login or register a new account.
