ميدان ښار (پژواک، ۱۹ لړم ۱۴۰۱): د ملګرو ملتونو د بشري مرستو همغږۍ ادارې (OCHA) د میدان وردګو په سیدآباد ولسوالۍ کې له ۱۳۵۰ کسانو سره د کار په بدل کې نغدي مرسته وکړه.
د میدان وردګو ولایت د کرنې ریاست پژواک خبري اژانس ته په رالېږلې خبرپاڼه کې ویلي، نن د دغه ولایت په سیدآباد ولسوالۍ کې د (OCHA) له خوا له ۱۳۵۰ کسانو سره د ۹۰ ورځو لپاره د کار په بدل کې د نغدو پیسو مرسته وشوه.
سرچینې زياته کړې، یاد شمېر کسانو د ۹۰ ورځو په اوږدو کې د یادې ولسوالۍ اړوند د کرنیزو ځمکو کانالونه پاک کړي او په بدل کې يې هر کارګر ته ۸۰ ډالر ورکړل شوي دي.
