ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

مفتي تقي عثماني: د شریعت نفاذ لپاره وسله‌والې مبارزې ته اجازه نشته

مفتي تقي عثماني: د شریعت نفاذ لپاره وسله‌والې مبارزې ته اجازه نشته

author avatar
30 Nov 2022 - 18:55
مفتي تقي عثماني: د شریعت نفاذ لپاره وسله‌والې مبارزې ته اجازه نشته
author avatar
30 Nov 2022 - 18:55

اټلانټا (پژواک، ۹ لېندۍ ۱۴۰۱) : د پاکستان مشهور دیني عالم مفتي تقي عثماني ویلي، د شریعت نفاذ مهم دی خو د دې لپاره وسله‌والې مبارزې ته اجازه نشته.

د پاکستان جیو تلویزیون د لېندۍ په ۹مه، خبر ورکړی چې نوموړي دا څرګندونې نن (چهارشنبه) په کراچۍ ښار کې د سود په اړه یوه سیمینار ته په وینا کې کړې دي.

هغه ويلي، له پاکستان څخه د سود د له منځه وړلو لپاره باید ټول په ګډه خپل غږ اوچت کړي.

د مفتي تقي عثماني په وینا، ټول هغه مسلمانان چې د هر ډول نظر او فکر خاوندان دي، د سود په اړه هیڅ اختلاف نه لري او په بانکونو کې د سودي معاملاتو له منځه وړل غواړي.

هغه زیاته کړې: «د شریعت نافذول ډېر مهم دي، خو د دې لپاره وسله‌واله مبارزه جایزه نه ده.»

د یادونې ده چې د پاکستان یوې شرعي محکمې څه موده مخکې د سودي معاملاتو او کاروبار پر ضد فتوا ورکړې وه.

بلخوا، د پاکستان د مالیې وزیر اسحاق ډار یاد کنفرانس ته په خپله وینا کې ويلي، که وغواړي په پنځو کلونو کې پاکستان له سود څخه پاک کولی شي.

د هغه په خبره، حکومت یې د شرعي محکمې د پرېکړې هرکلی کوي او د اسلامي بانکولۍ د نظام فعالولو لپاره به خپلو هڅو ته ادامه ورکوي.

Hits: 2136

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.