کابل (پژواک، ۲۲ لېندۍ ۱۴۰۱): د برېښنا شرکت وایي، په کابل او ۱۱ نورو ولایتونو کې د پرچاوۍ کچې را ټیټولو په موخه د ۶۰ مېګاواټو په ظرفیت د ترهخېلو حرارتي دستګاه یې فعاله کړې ده.
ازبکستان له څو ورځو راهیسې په خپله خاوره کې د انرژۍ کموالي له امله افغانستان ته خپله برېښنا ۶۶ سلنه ټيټه کړې چې د کابل او د وارداتي برېښنا په مسیر کې د اړوندو ولایتونو خلک له جدي ستونزو سره مخامخ شوي دي.
د افغانستان برېښنا شرکت په خبرپاڼه کې راغلي، د ترهخېلو حرارتي دستګاه له چالانولو سره هغه ولایتونه چې د ازبکستان برېښنا محدودیتونو له امله له ستونزو سره مخامخ شوي، دوه- دوه ساعته د ورځې او دوه- دوه ساعته د شپې له خوا برېښنا ورته برابرېږي.
د کابل ښار یو شمېر اوسېدونکو پژواک خبري اژانس ته ويلي چې په دې وروستيو کې د برېښنا پرچاوي ډېره شوې او خلک يې له ستونزو سره مخامخ کړي دي.
Visits: 553
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن