کابل (پژواک، ۲ سلواغه ۱۴۰۱): د عامې روغتیا وزارت وایي، تېره اونۍ د هېواد روغتیایي مرکزونو ته د ګازي بخارۍ له امله ۱۲۰ مسموم شوي کسان وروړل شوي او له دې ډلې ۶ تنه مړه شوي دي.
د عامې روغتیا وزارت ویاند ډاکټر شرافت زمان په خپله ټوېټرپاڼه کې د دغو څرګندونو ترڅنګ، له کورنیو غوښتي چې په دغه برخه کې جدي پاملرنه وکړي.
له تېرو دوو اونیو راهیسې د هېواد مرکزي، ځیني شمالي او شماللویدیځ ولایتونه د سړې هوا تر سختې څپې لاندې دي او خلک یې له ستونزو سره مخ کړي دي. د پژواک د خپرو شوو راپورونو له مخې، ولایتي مسوولینو ویلي چې تر اوسه ۸۸ کسان د سړې هوا له امله مړه شوي دي.
همداراز د دغې سړې هوا له امله تراوسه شاوخوا ۷۰ زره څاروي هم تلف شوي دي.
Visits: 80
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن