جلال اباد (پژواک، ۹ سلواغه ۱۴۰۱): د ننګرهار کانال رياست د دغه ولايت د هډې فارم په سيمه کې د يوه خصوصي شرکت د ۱۲ ميليون افغانيو په پانګونه د مالټو بڼ جوړوي.
چارواکي وايي، دا بڼ پر ۱۱۷ جريب ځمکه جوړيږي چې لسګونه کسانو ته به په کې د کار زمينه هم برابره شي.
د ننګرهار د کانال رياست وياند سيد همايون غريبمل د سلواغې په ۹مه پژواک خبری اژانس ته وويل، د کانال رياست اړوند د هډې فارم په سيمه کې پر ۱۱۷ جريب ځمکه د مالټو بڼ جوړېدو کارونه پيل شول.
هغه زياته کړه، دغه باغ د يوه خصوصي شرکت د ۱۲ ميلیون افغانیو په پانګونه جوړېږي چې لسګونه کسانو ته به په کې د کار زمينه هم برابره شي.
د کمال ساحل کرنیز شرکت يو مسوول نجيبالله ساحل وايي، د باغ جوړېدو لپاره يې د څاڅکي اوبهخور سيسټم زمينه هم برابره کړې چې د اوبو د سپما سبب کېږي او ورسره په راتلونکي کې د باغ لګښتونه هم کمېږي.
د ننګرهار کانال رياست وايي، سږ کال یې پر نږدې ۲۰۰۰ جريب ځمکه د خصوصي سکټور په همکارۍ د مالټو باغونه جوړ کړي دي.
Views: 173
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن