مزارشریف (پژواک، ۱۴ سلواغه، ۱۴۰۱): د کرنې سرپرست وزیر وایي، چې له تېر یو کال راهیسې په ټول هېواد کې ۴۵۰۰۰ څاروي پر کانګو ناروغۍ اخته شوي او یوازې د هېواد په شمال کې ۸۰ قصابان د دغې ناروغۍ له امله مړه شوي دي.
د افغانستان د کرنې، اوبو لګونې او مالدارۍ وزیر مولوي عطاوالله عمري په بلخ کې د یوه مسلخ د پرانیستې په غونډه کې د یادو څرګندونو ترڅنګ وویل چې یاد ۸۰ تنه د هېواد په نهو شمالي ولایتونو کې مړه شوي دي.
هغه د یادو قصابانو د مړینې لامل په غیر معیاري توګه د څارویو ذبح کول ګڼي او وایي، چې ډېری قصابان د څارویو په ذبح کولو کې اړین شرایط په پام کې نه نیسي.
عمري دغه راز وایي، چې په مسلخونو کې څاروي لومړی قرنطین کېږي، معاینه کېږي او بیا یې په معیاري توګه له ذبح کولو وروسته غوښې بازار ته عرضه کېږي.
دا په داسې حال کې ده چې نن د بلخ په مرکز مزارشریف ښار کې د شپږ میلیون امریکایي ډالرو په لګښت معیاري مسلخ جوړ او ګټې اخیستنې وسپارل شو
Visits: 171
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن