<p style="text-align: justify;">کابل (پژواک، ۱۶ کب ۱۴۰۱): د افغانستان مرکزي بانک اعلان کړی چې له افغانستان سره د بشري مرستو په لړ کې، د ۴۰ میلیون ډالرو یوه بله کڅوړه کابل ته را ورسېده.</p>
<p style="text-align: justify;">مرکزي بانک نن (سهشنبه) په یوه <strong><a href="https://twitter.com/AFGCentralbank/status/1633045138149629954">ټویټ</a> </strong>کې ویلي چې د مرستو دغه کڅوړه یوه سوداګریز بانک ته سپارل شوې ده.</p>
<p style="text-align: justify;">یاد بانک زیاتوي، د هر هغه اصولي اقدام ستاينه کوي چې هېواد ته د اسعارو راوړلو او په ټولنه کې له اړو کسانو سره د مرستې لامل کرځي او د بانکي سکتور د لا پياوړتيا لپاره خپلو هڅو ته دوام ورکوي.</p>
<p style="text-align: justify;">سرچینې زیاته کړې، د مرکزي بانک مشرتابه پلاوی د نړۍوالې ټولنې د مرستو ستاینې ترڅنګ، هیله لري چې دا ډول مرستې د بانکي سکتور له لارې وشي.</p>
<p style="text-align: justify;">دا په داسې حال کې ده چې څو شېبې وړاندې د افغانستان بانک خبر ورکړ چې سبا (چهارشنبه) ۱۶ میلیون امریکايي ډالر د داوطلبۍ له لارې لیلاموي.</p>
