د افغانستان بانک راتلونکې شنبه ۱۵ میلیون ډالر لیلاموي

<p style="text-align: justify;">کابل (پژواک، ۱۸ کب ۱۴۰۱): د افغانستان مرکزي بانک اعلان کړی چې د راتلونکې شنبې په ورځ ۱۵ میلیون امریکايي ډالر د داوطلبۍ له لارې پلوري.</p>

<p style="text-align: justify;">یاد بانک د یوې خبرپاڼې په خپرولو سره ویلي چې را روانه شنبه (د کب ۲۰مه) ۱۵ میلیون امریکایي ډالر لیلاموي.</p>

<p style="text-align: justify;">مرکزي بانک له ټولو سوداګریزو بانکونو، صرافانو او د پولي خدمتونو له شرکتونو چې پر شرایطو برابر وي، غوښتي څو په دې داوطلبۍ کې ګډون وکړي او ګټونکي باید خپل حسابونه د لیلام ورځې تر پایه تصفیه کړي.</p>

<p style="text-align: justify;">د یاد بانک په وینا، د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کېږي او د داوطلبۍ ګټونکي به د خپل ذمت د قیمت پیسې په یو ځل، په نغد ډول او په ټاکلې موده کې د افغانستان بانک ته سپاري.</p>

<p style="text-align: justify;">دا په داسې حال کې ده چې د افغانستان بانک تېره ورځ هم <a href="https://twitter.com/AFGCentralbank/status/1633040311369736192"><strong>۱۶ میلیون</strong></a> ډالر د داوطلبۍ له لارې لیلام کړي وو.</p>

<p style="text-align: justify;">د یادونې ده، په تېرو دو ورځو کې د ۴۰ میلیون امریکايي ډالرو بشري مرستو دوه کڅوړې  کابل ته رسېدلې دي.</p>